NAASULIARDARPI
NIVIAQ KORNELIUSSEN Naasuliardarpi OQALUTTUALIAQ
Miilla, qujanaq saninniikkavit. Atuakkiaq Larsimut pigitippara.
Tulugaq sanningasulerujussuarmi iliveqarfiup isaariaaniittumi mitsimavoq. Inunnik erligi san - nik maani iliveqarfimmiittoqanngilaq. Aa naa maaniinngilaq. Misigisimavungali annaasaqarnikuullunga. Eqqaamasat ilunngunartut qaffa kaapput. Upernalernerani unnuakkut maaniitil lunga seqerngup tarrittarunnaarnissaanut annilaangasar simanikka eqqaaqqippakka. Ukiup ataatsip ma tuma siornatigut aasarisse rut toraa unnuaq aap paluartoq eqqaavara. Taa mani Sermitsiamut toqungasullu sanningasulippassuinut isikkivilerlunga qaqqajunnami issiallunga inuuneq eq qarsaatigivara. Kisimiikkajuttarpunga, unnuarli taanna kiserliorpunga kissaatigigaluarlugulu uanga ilivermiissallunga. Aqquserngit ilivertut toqungatigipput, tulugarlu ungasinngisannut sanningasullit ilaannut mippoq. Meqqui qernertut qillerput, isai qernertut marserput, tarnera qernertoq kisimiillu ni maaniippoq. Timmiaq qernertoq isigeru joor para, seqerngullu minutsit 15-it matuma siornatigut tarrinnikup minutsit arlaqanngit sut qaangiuppata Sermitsiap tunuaniit nueq qin nissaa sivikitsumik puigoraluarlugu. Suut tamarmik aallaqqaataaniit aallarteqqinnissaat puigutallakkaluarpara. Tulukkap qaamarngup takkunnissaata tungaanut paarivaanga. Taava ti ngivoq toqungasullu akornannut qimallunga. Na luaami taarmut illersornanga qaamanermut il ler sortussaagaluarlunga. 7
TAAKKU
45. Arnaq. 38-nik ukiulik. Qimilluni. Ujalleringaarama hvidviinnisukkamaluunniit tigunissaa annernarpoq. Tuniluuttorsuartut nukinnut siaruaannikuuvoq, kiatsima ataani tikinneqarsinnaanngitsuni alliartorlutillu annernarsiartorput. Ibumetinilluunniit tikissinnaanngilai. Anaanama isikkora erloqisoq ernumarpasilluni isigivaa. Minutsini qulini nipaqanngivilluta akileriilluta issiavugut. Tagiartulaarsinnaavakkit? aperivoq issiavimminiillu nikuilluni. Naamik, qujaannarpunga. Aggeriarluni assani nungullarnikutut ittut tuinnut tutsippai. Anaana, naaggaarpunga. Tuikka kissasserlugit aallartippoq. Saarngi gigtertut angillutillu manngerput. Soorlu inuttaa taamaattoq. Assakka seqqortippakka. Tassa, gigtileqinaatit. Facebooki marserujuulerpara. Arnap assi nga taavalu emojit uummataasat sequminni kor passuit takullugit unippunga. Arnap saki aani qorsummik neonimik qalipaatilimmik allas simavoq, 1981-2018, RIP. 11
Kinaana? anaana aperivoq. Siutikkut supisaqattaartuinnanngorlunga qanillivillunga anersaartorpoq. Uffa aatsaat kissassiilluni aallartilluni anertikkalereerpoq. Takuniassamma gu mobiiliga qullaamivara. Ilisarinngilara, oqarpoq, susoqarsimasoru na? Ilimanaq imminorsimasoq. Aar. Ajoqaaq, akivoq. Qujanaq, oqarpunga nikuillungalu. Aatsaat kissassilerpakkit, akivoq. Nalunngilat massageartinneq iluaagisariga. Kia massageartinnissani iluarineq ajora miuk? Piumanngitsutinuna, oqarpoq nujarmiunilu rødviinnisut qalipaatilik siilikimik sanaaq sakkortuumik peerlugu. Nujai tuiinut nakkarput. Qanoq piumananga? Hvidviinnimik na jorserujussuarpunga. Oqalukkusunngeriaravinuna piumanngitsuu saartutit! oqarpoq. Naluippara qaqugukkut oqaluttassanerlu nga qaqugukkullu nipangersimasassanerlu nga. Soorlu uanga inuusaq batteriitortoq oqalutsikkusuleraanni naakkut toortagaq. Oqalukkaluartunga allatut oqartikkusullunga tooqattaarpaanga. Suna eqqartorusukkakku? Nalunngilat! oqarpoq. Nutsani qilerniarlugit katersoqattaarpai, nujamininnguamik minitaqaraangami aatsaallu katersoqqittarlugit. Anaana, aalajangereerpunga. Allatut ajornaqaaq naammagiinnartariaqarpat. 12
Eqikkusukkaluarlugu saperpara. Eqittanngingaa ratta eqqaamanngilaraluunniit qanga kingullermik eqinnerluta. Aallarnissamut piareersimanngilatit. Suna ajorami maani Ilisimatusarfimmi ilinnialeruit? Soo runa Danmarkimukartariaqarpit? Piareersiman ngilatit, oqarpoq. Sivisoorujussuarmik piareersimanikuuvunga. Viinnisugara aarloruteriarlugu ammukarpunga. Uffarfik imermik qalaangajattumik immerpa ra. Timimut qaqorsaat naqerujussuarlugu uffarfimmut kuigakku pullartaaqqat sumi tamaani teqqalalerput. Uffarfimmut ikigama timiga qa sillerujussuarpoq. Minutsilli arlaqanngitsut qaangiummata malugisaaruppunga. Sequnngeriarlunga takorloorujuulerpara aasap naajartu lernerani Italiami unnussiuaarujoorlunga. Matukkul li kasuttortoqarpoq. Anaana viinnimik nassar luni iserpoq viinnisorfillu nerriveeqqamut eq qan niittumut ilillugu. Ujallerininnut iluaqutaalaarpa? aperivoq. Isaruai aallerput. Anngaavunga qallukkalu qummoorlugit. Unin ngaannarluni arlaannik pisoqarnissaanik utaqqerujoorpoq. Iviangikka qapummik asserpakka. Aneqqumisaarneqarnini paasinngilaa. Kisimiilaarsinnaavunga? Anersaaruloriarluni anivoq. Tusaasinnaavara qaliani igaffimmi nipitoqisumik tuterluttartoq. Erruivik imaarpaa. Saviit, ajassaatit, alussaatit puu guttallu eqqaannangajallugit iliorarpai, ataa- 13
ta galu oqalorussarpaluttoq tusaasinnaavara. Tupi geqaara maani najugaqarnissara sapersimannginnakku. Paasisinnaanngilara sooq oqaloqatigiumanngin neraanga! ataatannut oqarpallappoq, ataata lu paasisinnaanngisannik oqalorussarpaluppoq. Tassa taamak pisarput, anaana unnerlorujoortoq, ataata eqqumiitsumik nipiliorluni akeqattaarujoortoq anaana tusaaneqartutut misiginiassammat. Uffarfimmut morsullunga aqqaamavunga. Maani nipeqanngilaq. Minutsip affaa ingerlareersoq puakka tupamik minguttut anersaartorusutto ru jussuanngorput, minutsili ataaseq affarlu aqqaamaqqippunga. Sekundit kisippakka. Nipaassu sermi minutsit marluk. Annannikunit arlalinnit tu sarnikuaara ipingajalluni nuanneqisoq. Qa lipaa tinik ulikkaartoq. Eqqissisimanaqisorlu, ilami piffissap sivikitsup ingerlanerani ilisimajunnaa riar lutik, nilloriarlutik 87 sekundit missaat ingerlareeraangata komalertaramik. Morsoqqippunga minutsillu pingasut aqqaamallunga. Qa noq aalisa gaaraagaluaruma. Aalisagaaraq Italiami najuga lik. Nipaassuseq naassaanngitsoq. Erniinnaq, eqqarsarpunga itisuumillu ilummut anersaarlunga, erniinnaq manna qimassavara. Kisianni tas sa Maliina aamma qimassavara. Anaanap ataatap frikadellenut miseqqiaa kajor toq narrugigamiuk igaffimmi niaqulaajusattorsuar tut pissuseqarluni nutaamik sanalluni aalaterivoq. 14
Ataatap nipaatsumik akerliussutsimik takutit silluni miseqqiani kinertorujussuaq ingasaallugu kuivaa, puuguttani ulikkaangajavillugu. Sekundit qulikkaapajaarlugit mobiiliga qiviaqattaarpara frikadellellu oqummiuteriarlugit tamuarpiarnagit iisaqattaarlugit. Naatsiiat nungunngilaarikka anaana naammassilluni ingikkiartorpoq. Ata nerivallaarnak, nalunngilat tarajortorpallaa raangavit qajuusartorpallaaraangavillu nillaagin nalertartutit, oqarpoq. Qaa, nerivugut! Poortuivit? aperivoq frikadellelu miseqqiami nut kinillugu. Ileqimisaartorpunga. Sapaatip akunnerinnanngorpoq! Errorsisussaavutit, immikkoortiterisussaavutit, torersaasussaavutit, kufferti naammannersoq takusussaavat eqqaamasassatit allattornikuuigit? aperivoq. Miseqqiaa kajortoq frikadellemiit kuserpoq. Soorlu timmik. Qaa, nerivugut! oqarpunga. Nerigaangatta oqaloqatigiittassaagut. Ulapputeqanngilagut, akivoq. Miseraq kusertoq kamaasallunga tikkuartulerpara. Frikadelle oqummiuppaa. Tamuajunnaarsinnaanngitsorsuartut tamuavoq, isumaqarpormi sivisoorujussuarmik tamuaqqaarluni iisisaruni nerrikinnerussalluni. Miserarsuaq kajortoq sigguisa killingini nippussuuppoq. Illigisaarutivippunga Maliinalu allassimanersoq marserlugu. 15
Angerlarsimavunga, piumaguit aggiinnassaatit. Piumaguma? Naatsiiaq kingulleq erloqeqalu nga nakkartinniarsaripallappara. Qujanaq. Aatsaat nerilluta aallartippugut! anaana oqar poq. Maliina aliasummat ornissagakku. Qaquguuna taanna Maliina naapinniaripput? neriuuteqarpasilluni aperivoq. Kammagiiginnarpugut, akivunga. 44. Angut. 19-inik ukiulik. Aallaat atorlugu. Pujorsuaq Akianut apuutereersimasoq naamasinnaa vara. Akunnerit arlaqanngitsut qaangiuppata Nuummut apuutissaaq. Taava unnuaru seqinnerna vianngilaq. Maliinap inissiaanut ataatsimik ineeralimmut iserpunga. Qarleeqqat timersuutit naatsut atorlugit nalaasaarfimmi issiavoq. Una immikkoortoq naalaariarlugu, qungujullu ni oqarpoq. Nalaasaarfiup illuatungaanut ingeriarlunga isai taartut isiginnaarujuulerpakka. Takusinnaavara immikkoortoq atuagaa alianartuusoq. Atuagaq iligamiuk qinnguni eqippaa anersaarulullunilu. Niaqquni sakissannut tutseriarlugu ti goru jussuarpaanga. 16