1 Siunnersuut Kalaallit Nunaanni sulitilluni ajoqusersinnaanermut isumannaarineq pillugu inatsisip allanngortinnera pillugu inatsit (Inuk pillugu paasissutissanik nunamut allamut nuussineq) 1 Kalaallit Nunaanni sulitilluni ajoqusersinnaanermut isumannaarineq pillugu inatsimmi, tak. inatsimmik nalunaarut nr. 75, 16. januar 2017-imeersoq, inatsimmi nr. 461, 15. maj 2017-imeersumi 2-kkut allanngortinneqartumi, imatut allannguisoqarpoq: 1. 42 a, oqaaseqatigiinni siullerni,»arbejdstilsyni«imatut allanngortinneqarpoq:»sullivinnik Nakkutilliisoqarfik«. 2. 42 a, oqaaseqatigiit aappaanni,»arbejdstilsynip«imatut allanngortinneqarpoq:»sullivinnik Nakkutiulliiviup«. 3. 42 a-mi imm. 2-tut aamma 3-tut ikkunneqarput:»imm. 2. Suliassaqartitsinermut ministeri Namminersorlutik Oqartussanik isumaqatiginninniareerluni Arbejdsmarkedets Erhvervssikringimiit Sullivinnik Nakkutilliisoqarfimmut inuk pillugu paasissutissanik nuussinissamut pisariaqartunik malittarisassanik erseqqinnerusunik aalajangersaasinnaavoq. Imm. 3. Imm. 2 malillugu aalajangersarneqartunik malittarisassanik eqqortitsinermik Datatilsyni nakkutilliissaaq«inatsit ulloq 1. januar 2019-imi atuutilissaaq. 2
2 Inatsisissatut siunnersuummut nassuiaatit 1. Aallaqqaasiut Nassuiaatit nalinginnaasut Nunami sullivinni avatangiisinut aamma sullivimmi avatangiisit pillugit inatsisartut inatsisissaattut siunnersuummut tunngasut suliassaqarfimmi sullivinni avatangiisit ilaannik Namminersorlutik Oqartussat tigusinerat pillugu Inatsisartut aalajangiinissaat 2018-imi upernaakkut ataatsimiinnermi Inatsisartunit suliarineqassaaq. Aalajangiiffigisassatut siunnersuut akuerineqassappat ulloq 1. januar 2019-imi immikkoortumik tigusinerup ilaatut kalaallit nunaanni sullivinnik nakkutilliisoqarfimmik namminersortumik pilersitsisoqassaaq. Soorlu maannakkut Suliassaqartitsinermut ministeriaqarfimmut ilaasumi Sullivinnik Nakkutilliisoqarfimmut, aamma Kalaallit Nunaanni sullivinni avatangiisinut tunngasunik nakkutilliisuusumut atuuttuusoq, sulitilluni ajoqusernerit (suliffimmi ajutoornerit, inuussutissarsiutini nappaatit aamma toqunartortortitaanerit il.il.) nalunaarutiginerinut nalunaaruteqartarnerniit kiisalu Arbejdsmarkedets Erhvervssikringimiit sulitilluni ajoqusernerit pillugu paasissutissanut tunngavimmut paasissutissanik pisariaqartunik Kalaallit Nunaanni Sullivinnik Nakkutilliisoqarfiup nutaap tigusisarnissaa pisariaqartinneqassaaq. Tamanna tunngavigalugu Arbejdsmarkedets Erhvervssikringimiit Sullivinnut Nakkutilliisoqarfimmut paasissutissanik ingerlatitseqqinneq pillugu malittarisassanik inatsisitigut iluarsiisoqarnissaa pisariaqartinneqassaaq, soorlu aamma Kalaallit Nunaanni sullivinnik nakkutilliisoqarfimmik namminersortumik pilersitsinerup kingunerissagaa sulitilluni ajoqusernerit il.il. pillugit inuk pillugu paasissutissanik Danmarkimiit Kalaallit Nunaannut nuussinissamut tunngavinnik pisariaqartunik pilersitsisoqarnissaa pisariaqarumaartoq. Tamatumunnga ilaatigut pissutaavoq paasissutissat Danmarkimi oqartussaniit Kalaallit Nunaanni oqartussanut nuunneqartussaammata. Inuk pillugu paasissutissanik suliarinninnermut atatillugu inuup illersugaanera pillugu Europa-Parlamentip aamma Rådip peqqussutaa nr. 2016/679, 27. april 2016-imeersoq aamma paasissutissanik taamatut ittunik killilersugaanngitsumik paarlaasseqatigiinneq pillugu peqqussut 95/46/EF (nalinginnaasumik nalunaarsukkanik illersuineq pillugu peqqussut) (matuma kingorna nalunaarsukkanik illersuineq pillugu peqqussummik taagorneqartoq) malillugit Kalaallit Nunaat isumaqatigiissummut ilaanngitsutut nunatut isigineqarpoq, tamatumalu kingunerisaanik inuk pillugu paasissutissanik Danmarkimiit Kalaallit Nunaannut nuussinerit pillugit immikkut qularnaveeqqusiisoqassalluni. Inatsisissatut siunnersuut manna Inatsisartuni suliarinninnissaq siunertaralugu taamaattumik saqqummiunneqarpoq, nunami sullivimmi avatangiisinut tunngasunik suliassaqarfimmik tigusinissaq aamma sullivimmi avatangiisit pillugit inatsisartut inatsisissaattut siunnersuut Inatsisartunit akuerineqassappata. 2. Inatsisissatut siunnersuutip tunuliaqutaa siunertaalu Nunami sullivinni avatangiisinut tunngasunik suliassaqarfimmik tigusinissaq pillugu aalajangiiffigisassatut siunnersuut aamma sullivinni avatangiisit pillugit Inatsisartut inatsisissaattut siunnersuut Inatsisartunit akuerineqassappata nunami suliffinni avatangiisit pillugit malittarisassat siunissami taamaallaat Namminersorlutik Oqartussanit aalajangersarneqartussaassapput. Tigusineq namminersorneq pillugu inatsimmi 2, imm. 1 tunngavigalugu pisussaassaaq, tak. Kalaallit Nunaanni Namminersorneq pillugu inatsit nr. 473, 12. juni 2009-imeersoq, tamatumalu kingorna Namminersorlutik Oqartussat aalajangersinnaallugu inatsimmut ilanngussami takuneqarsinnaasut suliassaqarfiit Namminersorlutik Oqartussanut nuunneqassasut. Namminersorneq pillugu inatsimmut ilanngussami imm. 27- imi Suliffinni avatangiisit erseqqissumik allassimavoq. Suliassaqartitsinermut ministeriaqarfik Kalaallit Nunaanni Sullivinnik Nakkutilliisoqarfiup nakkutilliinermi suliaanut tunngatillugu suliassanut maannakkut akisussaavoq, kiisalu Danmarkimi suliffiup imminut pigisup Arbejdsmarkedets Erhvervssikringip ataani Center for Arbejdsskadip Kalaallit Nunaanni sulitilluni ajoqusersinnaanermut isumannaarinermi malittarisassat aqutaralugit. Arbejdsmarkedets Erhvervssikringip ataani Center for Arbejdsskadip Kalaallit Nunaanni sulitilluni ajoqusernerit pillugit paasissutissat, Arbejdsmarkedets Erhvervssikringip digitalikkut nalunaartarfia Anmeld.gl aqqutigalugu sulisitsisunit, nakorsanit kigutillu nakorsaannit Sullivinnik Nakkutilliisoqarfimmut nalunaarutigineqartarput Kalaallit Nunaanni nakkutilliilluni i- ngerlataqarnermut atugassanngorlugit. Kalaallit Nunaanni sullivinni avatangiisit pillugit inatsisip aamma Kalaallit Nunaanni sulitilluni ajoqusersinnaanermut isumannaarineq pillugu inatsisip allanngortinneqarnera pillugu inatsimmi nr. 461, 15. maj 2017-imeersumi 2 aqqutigalugu paasissutissanik taamatut ingerlatitseqqinnissamut pisussaaffik immikkullu tunngavissaq pilersinneqarpoq. Ulloq 1. januar 2019-imi suliffinni avatangiisinut tunngasunik Namminersorlutik Oqartussat tigusineranni
3 aamma Kalaallit Nunaanni Sullivinnik Nakkutilliisoqarfimmik nutaamik pilersitsinermi Kalaallit Nunaanni sulitilluni ajoqusersinnaanermut isumannaarineq pillugu inatsisip allanngortinnissaa pisariaqassaaq, taamaalilluni Kalaallit Nunaanni suliffinni avatangiisinut tunngasunik nakkutilliinermi atugassanik Arbejdsmarkedets Erhvervssikringi paasissutissanik ingerlatitseqqinnissamut suli pisussaaffeqarluni. Inatsisip allanngortinneqarnissaatut siunnersuutigineqartumi siunertaq tassaavoq ullumikkutut Suliassaqartitsinermut ministeriaqarfiup ataani Sullivinnik Nakkutilliisoqarfiup sulineratulli sulitilluni ajoqusernerit pillugit paasissutissat nutarterneqarsimasut atornerisigut sulinikkut nakkutilliinerminik aaqqissuussinissamut Kalaallit Nunaanni Sullivinnik Nakkutilliisoqarfiup periarfissaqarnissaa. Paasissutissat taakku suliffeqarfiit sulliviisa avatangiisiinut nakkutilliilluni sulinerup aaqqissuunnerannut pingaaruteqarluinnarput. 3. Inatsisissatut siunnersuutip imaa 3.1. Inuk pillugu paasissutissanik nunamut allamut isumaqatigiissummut ilaanngitsumut nuussineq 3.1.1. Inatsisit atuuttut Kalaallit Nunaanni sulitilluni ajoqusersinnaanermut isumannaarineq pillugu inatsimmi 42 a-mit takuneqarsinnaavoq sulitilluni ajoqusernerit nalunaarutiginissaannut aamma sulitilluni ajutoornerit inuussutissarsiornermilu nappaatit pillugit nalunaarsukkatigut tunngavigisani nalunaarsuisarfimmiit paasissutissat pisariaqartut Arbejdsmarkedets Erhvervssikringip Sullivinnut Nakkutilliisoqarfimmut ingerlateqqittarai. Taamaalilluni ilaatigut sulitilluni ajoqusernerit pillugit paasissutissanik Suliassaqartitsinermut ministeriaqarfiup ataani Arbejdsmarkedets Erhvervssikringip Sullivinnik Nakkutilliisoqarfimmut ingerlatitseqqinnissaanut inatsisitigut pisussaaffimmik aalajangersaasoqarsimavoq. Aalajangersakkamit aamma takuneqarsinnaavoq Sullivinnik Nakkutilliisoqarfiup nakkutilliineranut misissuisarneranullu siunnerfeqartumik atugassanngorlugit suliffeqarfiit kikkuunerinik paasisaqarnissamut suliarinninneq aamma nakkutilliineq siunertaralugu nalunaarsukkanik ataqatigiissitsinissaq siunertaralugu paasissutissat ingerlateqqinneqartartut. Paasissutissat aamma misissueqqissaarnissamik pitsaaliuinissamillu siunertanut aamma kisitsisitigut paasissutissanut siunertanut suliarinninnissaq nalunaarsukkallu ataqatigiissinnissaat siunertaralugu ingerlateqqinneqartarput. Aalajangersakkap eqqunneqarnerani inunnik nalunaarsuineq pillugu inatsimmi sinaakkusiussat iluanniittutut nalilerneqarpoq, tak. inatsisissatut siunnersuut nr. L 140-imut nassuiaatit (Folketingstidende 22. februar 2017, Tillæg A, pkt. 3.5.2.). [Danmarkimi Inunnik nalunaarsuineq pillugu inatsit ulloq 25. maj 2018-imi nalunaarsukkanik illersuineq pillugu peqqussummik aamma nalunaarsukkanik illersuineq pillugu inatsimmit taarserneqarsimavoq, tak. ilaatigut inuk pillugu paasissutissanik suliarinninnermut atatillugu inuup illersugaanera aamma paasissutissat taamatut ittut killilersorneqanngitsumik paarlaasseqatigiittarneq pillugit peqqussummut aalajangersakkat ilassutissat pillugit inatsit nr. [ ], [ ]-imeersoq.] Nalunaarsukkanik illersuineq pillugu peqqussut malillugu Kalaallit Nunaannut inuk pillugu paasissutissanik nuussineq nunamut isumaqatigiissuteqarsimanermut ilaanngitsumut paasissutissanik nuussinertut isigineqarpoq. Kalaallit Nunaanni sullivinni avatangiisinik nakkutilliineq pillugu aaqqissuussineq atuuttoq malillugu Arbejdstilsynimiit imaluunniit Arbejdsmarkedets Erhvervssikringimiit Kalaallit Nunaannut inuk pillugu paasissutissanik nuussisoqarpat tamanna nalunaarsukkanik illersuineq pillugu peqqussummi kapitali V-imi malittarisassat isiginiarlugit pissaaq, tassunga ilanngullugit immikkoortut 44-46 aamma 49. Nalunaarsukkanik illersuineq pillugu peqqussummi immikkoortoq 44, oqaaseqatigiinnit siullernit takuneqarsinnaavoq inuk pillugu paasissutissani sunilluunniit nuussinerit, nunamut allamut isumaqatigiissummut ilaanngitsumut imaluunniit nunani tamalaani suleqatigiiffimmut nuussinerup kingorna suliarineqartut imaluunniit suliarineqartussatut pilersaarutigineqartut, taamaallaat pisinnaasoq peqqussummi kapitali V-imi piumasaqaatit naammassineqarsimappata peqqussummi aalajangersakkat allat nangaassutigalugit nalunaarsukkanut akisussaasumit nalunaarsukkanillu suliarinnittumit naammassineqassasut, tassunga ilanngullugu nunamit allamiit isumaqatigiissummut ilaanngitsumiit pineqartumiit imaluunniit nunani tamalaani suleqatigiiffimmit pineqartumiit nunamut allamut isumaqatigiissummut ilaanngitsumut imaluunniit nunani tamalaani suleqatigiiffimmut allamut inuk pillugu paasissutissanik ingerlatitseqqinneq. Aammattaaq nalunaarsukkanik illersuineq pillugu peqqussummi immikkoortoq 44, oqaaseqatigiit aappaannit takuneqarsinnaavoq kapitali V-mi aalajangersakkat tamarmik peqqussut naapertorlugu inuit qularnaarneqartut illersorneqarnerisa qajannaarsisinneqannginnissaasa qulakeerneqarnissaat atorneqassasoq. Nalunaarsukkanik illersuineq pillugu peqqussummut aallaqqaasiummi isiginninnermi nr. 101-imit takuneqarsinnaavoq inuk pillugu paasissutissat ingerlaarfiisa Unionip avataani nunanut allanut aamma nunanit allaniit il.il. annertusineqarneri inuk pillugu paasissutissat illersorneqarnissaat eqqarsaatigalugit unamminartunik eqqarsarnartunillu nutaanik pilersitsisimasut. Tamatuma saniatigut takuneqarsinnaavoq inuk pillugu paa-
4 sissutissat Unionimiit nunami allami isumaqatigiissummut ilaanngitsumi imaluunniit nunani tamalaani suleqatigiiffinni nalunaarsukkanut akisussaasunut, nalunaarsukkanik suliarinnittunut allanullu tigusisunut nuunneqaraangata illersuinerup annertussusia Unionimi inunnut qularnaarneqartoq qajannarunnaarsisinneqassanngitsoq, tassunga ilanngullugit nunamit allamiit isumaqatigiissummut ilaanngitsumiit imaluunniit nunani tamalaani suleqatigiiffimmiit nunami tassani imaluunniit nunami allami isumaqatigiissummut ilaanngitsumi imaluunniit nunani tamalaani suleqatigiiffimmi allami nalunaarsukkanut akisussaasunut, nalunaarsukkanik suliarinnuttut ingerlateqqinneqarneri. Inuk pillugu paasissutissat nunamut allamut isumaqatigiissummut ilaanngitsumut nuunneqarneri pillugit piumasaqaatit pillugit takuneqarsinnaavoq nunanut allanut isumaqatigiissummut ilaanngitsumut aamma nunani tamalaani suleqatigiiffinnut nuussineq taamaallaat peqqussummik tamakkiisumik eqqortitsisumik ingerlanneqassasoq. Kiisalu takuneqarsinnaavoq nuussineq taamaalilluni taamaallaat pisinnaasoq nalunaarsukkanik illersuineq pillugu peqqussummi inuk paasissutissanik nunanut allanut isumaqatigiissummut ilaanngitsumut imaluunniit nunani tamalaani suleqatigiiffinnut nuussinermut tunngasuni piumasaqaatinik nalunaarsukkanik akisussaasoq imaluunniit nalunaarsukkanik suliarinnittoq naammassinnippat, taamaattorli tak. peqqussummi aalajangersakkat allat. Aammattaaq nalunaarsukkanik illersuineq pillugu peqqussummi immikkoortoq 45, imm. 1-imit takuneqarsinnaavoq nuna allani isumaqatigiissummut ilaanngitsuni naammattunik illersuisinnaasoq EU-Kommissioni aalajangiisimappat inuk pillugu paasissutissat nunamut allamut isumaqatigiissummut ilaanngitsumut nuunneqarsinnaasut. Peqqussummi immikkoortoq 45, imm. 3 malillugu illersuinerup naammattuuneranik naliliinerup kingorna EU-Kommissioni aalajangiisinnaasoq nuna alla isumaqatigiissummut ilaanngitsoq, nunami allani immikkoortoq imaluunniit ingerlataqarfik aalajangersimasoq ataaseq arlallilluunniit illersuinerup naammattuunissaanik qulakkeerissasut. Tamanna Kalaallit Nunaannut naleqqiullugu suli pisimanngilaq, taamaattumik Kalaallit Nunaat nalunaarsukkanik illersuineq pillugu peqqussummi manna tikillugu nunatut allatut isumaqatigiissummut ilaanngitsutut isigineqarluni. Maluginiarneqassaaq immikkoortiterinerup allanngortinnissaa siunertaralugu taamatut nalileeqqullugu Kommissioni Namminersorlutik Oqartussanit qinnuigineqarsinnaasoq. Nuna alla isumaqatigiissummut ilaanngitsoq naammattumik illersuinermik qulakkeerisimasoq Kommissionimit aalajangerneqarsimanngippat nalunaarsukkanik illersuineq pillugu peqqussummi immikkoortoq 45, imm. 1 malillugu nalunaarsukkanut akisussaasoq imaluunniit nalunaarsukkanik suliarinnittoq, nuna pineqartoq pisariaqartutigut qularnaveeqqusiisimappat inuk pillugu paasissutissat taamaallaat nunamut allamut isumaqatigiissummut ilaanngitsumut nuunneqarsinnaasut, aamma pisinnaatitaaffiit, eqqortinneqartussat, aamma nalunaarsuineq pillugu kinguneqarluartunik inatsisitigut atortut pigineqartut piumasaqaatigalugit. Tamanna ilaatigut pisinnaavoq inatsisitigut pituttuisumik sakkussaliornikkut, assersuutigalugu nalunaarsukkanik illersuineq pillugu peqqussummi immikkoortoq 46, imm. 2, litra a malillugu inatsisikkut imaluunniit nalunaarutikkut. Tamatuma saniatigut ilaatigut nakkutilliinermi oqartussanit piginnaatitaasunit (Datatilsyni) akuersisoqarnissaa nangaassuteqarfigalugu qularnaveeqqusiinerit pisariaqartinneqartut aalajangersakkatigut qularnaarneqarsinnaapput, allaffissornikkut aaqqissuussinerit aamma pisortani oqartussat imaluunniit aaqqissugaasut akornanni ilanngunneqartut, tassaniillutillu nalunaarsugaasunut pisinnaatitaaffiit kinguneqarluartussat eqqortinneqartussat. Nalunaarsukkanik illersuineq pillugu peqqussummut aallaqqaasiummi isiginninnerup nr. 108-ip ilaatigut malitsigaa nalunaarsukkanut akisussaasoq imaluunniit nalunaarsukkanik suliarinnittoq nunami allami isumaqatigiissummut ilaanngitsumi nalunaarsukkanik illersuinerup amigaataaneranut taarsiiniarluni aaqqiiniartariaqartoq, illersuinerup naammattuunera pillugu aalajangiisoqarsimannginnerani nalunaarsorneqartoq pillugu pisariaqartutigut qularnaveeqqusiinikkut. Aallaqqaasiummi isiginninneq nr. 108 malillugu pisariaqartutigut qularnaveeqqusiinermi siunertaq tassaavoq Unionip iluani suliarinninnermut atatillugu nalunaarsukkanik illersuinermi piumasaqaatit aamma nalunaarsugaasut pisinnaatitaaffiisa eqqortinneqarnissaasa qulakkeerneqarneri, tassunga ilanngullugu pisinnaatitaaffiit pissarsiarineqarsinnaasut, nalunaarsugaasut aamma inatsisitigut sakkut kinguneqarluartut pillugit eqqortitsisinnaasut, tassunga ilanngullugu kinguneqarluartumik allaffissornerup imaluunniit eqqartuussivikkut misiliinerup anguneqarnissaa aamma Unionimi imaluunniit nunami allani taarsiisoqarnissaanut piumasaqarnissaq. Taakku saniatigut aallarniummi isiginninneq nr. 108- imit takuneqarsinnaavoq qularnaveeqqusiinerit pingaartumik pitsaassutsikkut inassuteqarnikkut inuk pillugu paasissutissat suliarinerinut nalinginnaasumik tunngavinnik aamma nalunaarsukkanik illersuineq pillugu tunngavinnik eqqortitsinermut tunngasariaqartut. Nalunaarsukkanik illersuineq pillugu peqqussummi immikkoortoq 25-imi ilusilersuinikkut nalunaarsukkanik illersuineq pillugu tunngavinnik aamma pitsaassutsinik inassuteqarnikkut nalunaarsukkanik illersuinermik aalajangersaavoq. Ilusilersuinikkut nalunaarsukkanik illersuineq pillugu tunngavinni aamma pitsaassutsinik
5 inassuteqarnikkut nalunaarsukkanik illersuinermi pineqarput nalunaarsukkanik illersuinermi tunngaviit kinguneqarluartumik atulersinnissaat anguniarlugu nalunaarsukkanut akisussaasoq qanoq teknikkikkut aaqqissugaanikkullu pingaarnertigut aaqqissorneqassanersut aamma nalunaarsukkanik illersuineq pillugu peqqussumi piumasaqaatit naammassiniarlugit aamma nalunaarsugaasut pisinnaatitaaffii illersorniarlugit suliarinninnermi pisariaqartuni qularnaveeqqusiinerit ilanngunneqassasut. Pisortani oqartussanut naleqqiullugu aallaqqaasiummi isiginninneq nr. 108-imit ilaatigut takuneqarsinnaavoq nuussineq pisortani oqartussanit imaluunniit aaqqissugaasunit nunami allani isumaqatigiissummut ilaanngitsuni pisortani oqartussanut imaluunniit aaqqissugaasunut ingerlanneqarsinnaasoq, tassunga ilanngullugu allaffissornikkut aaqqissuussinerni ilaatinneqartut aalajangersakkat tunngavigalugit, taamaalilluni nalunaarsugaasut kinguneqarluartumik pisinnaatitaaffii eqqortinneqarsinnaasut qulakkeerneqarlutik. Aallaqqaasiummi isiginninneq nr. 114-imit takuneqarsinnaavoq nunami allami isumaqatigiissummut ilaanngitsumi nalunaarsukkanik illersuinerup qaffasissusiata naammattuunera pillugu Kommissioni aalajangiisimanngippat Unionimi inuk pillugu paasissutissat suliarineqarneri eqqarsaatigalugit nalunaarsugaasunut kinguneqarluartumik eqqortinneqarsinnaasunik pisin-naatitaaffiliisunik aaqqiinernik nalunaarsukkanut akisussaasoq imaluunniit nalunaarsukkanik suliarinnittoq qanorluunniit pisoqaraluartoq atuisariaqarpoq, paasissutissat taakku nuunneqarsimappata, taamaalillutik pisinnaatitaaffinnik tunngaviusunik qularnaveeqqusiinernillu pitsaasunik suli illersugaallutik. Nunamut allamut isumaqatigiissummut ilaanngitsumut inuk pillugu paasissutissanik nuussineq pillugu nalunaarsukkanik illersuineq pillugu peqqussummi malittarisassat erseqqinnerusumik paasisaqarfiginissaanut nalunaarsukkanik illersuineq pillugu peqqussuk pillugit Inatsisinik atuutsitsinermut ministeriaqarfiup isumaliutissiissutaanut nr. 1565/2017-imeersumi, qupperneq 630-imut innersuussisoqarpoq. Maluginiarneqarpoq inuk pillugu paasissutissanik suliarinninneq pillugu inatsit (inummut nalunaarsukkat pillugit inatsit) peqqussutikkut nr. 1238, 14. oktober 2016-imeersukkut Kalaallit Nunaannut atulersinneqarsimasoq. Kalaallit Nunaanni inummut nalunaarsukkat pillugit inatsit nalunaarsukkanik illersuineq pillugu peqqussummi malittarisassanut naapertuuttunik malittarisassanik arlalinnik imaqarpoq. Taamaattorli aalajangersimasunik assigiinngitsoqarluni, tassa nalunaarsukkanik illersuineq pillugu peqqussuk ilaatigut immikkoortuni aalajangersimasuni inummut nalunaarsukkat pillugit inatsimmut naleqqiullugu suli allanik piumasaqaateqarmat. Datatilsyni aamma tassaavoq nalunaarsukkanik illersuineq pillugu peqqussummi aamma inatsimmi Danmarkimi atuuttuni malittarisassanik eqqortitsisoqarneranik nakkutilliisuusoq, tak. nalunaarsukkanik illersuineq pillugu inatsimmi 27, imm. 1, aamma Datatilsyni taannaalluni inuk pillugu nalunaarsukkat pillugit inatsimmi malittarisassani eqqortitsisoqarneranik Kalaallit Nunaanni nakkutilliisuusoq, tassani tak. peqqussut nr. 1238 2016-imeersumi 54, imm. 1. Peqqussummi 57, imm. 1 malillugu suliarinninnerup inatsit naapertorlugu pineranut namminerisaminik imaluunniit nalunaarsugaasumik naammagittaalliuuteqartoqarneratigut Datatilsyni nakkutilliisuulluni. Nakkutilliisussaanermut atasumik Datatilsyni arlalinnik pisussaaffeqarpoq, peqqussummi immikkoortoq VI-imi malittarisassaliorneqarsimasunik. Ilaatigut nakkutilliisoqarfik 59 malillugu suliani aalajangersimasuni pisortani oqartussanut aalajangiinissamut pisussaaffeqarpoq, assersuutigalugu nalunaarsugaasup pisinnaatitaaffii pillugit suliat, tak. imm. 1. Pisuni allani nalunaarsukkanut akisussaasumut Datatilsyni oqaaseqaateqartarpoq, tak. imm. 2. Aammattaaq 61, imm. 1 malillugu Datatilsyni sulinerminut pingaaruteqartunik paasissutissanik sunilluunniit piumasaqarsinnaalluni. Tamatuma saniatigut nakkutilliisoqarfimmi ilaasortat sulisullu 61, imm. 2 malillugu qaqugukkulluunniit eqqartuussisumiit aalajangiinertaqanngitsumik iluameersumik kinaassutsimik uppernarsaateqarlutik pisortani ingerlatsivinni ingerlatsiviusumut, aqutsiviusumut ininut tamanut isersinnaavoq, imaluunniit paasissutissanik suliarineqartunut iserfiusinnaasunut, kiisalu ininut paasissutissat imaluunniit teknikkikkut atortorissarutit inissisimaffiini atorneqarfiiniluunniit. 61, imm. 4 malillugu imm. 2-imi aalajangersagaq aamma suliarinninnernut, naluaarsukkani suliarinnittut eqqarsaatigalugit atuuppoq. 3.1.2. Suliassaqartitsinermut ministeriaqarfiup eqqarsaatersuutai Kalaallit Nunanani sullivinni avatangiisit pillugit Inatsisartut inatsisaat 75-imi aalajangersagaqarpoq, taanna malillugu Kalaallit Nunaanni Sullivinnik Nakkutilliisoqarfik nutaamik pilersinneqarsimasoq nakkutilliinermini ataqatigiissitsinissamut tunngavissaqarluni tamatumalu malitsigisaanik Arbejdsmarkedets Erhvervssikringip ataani Center for Arbejdsskadimiit sulitilluni ajoqusernerit aamma inuussutissarsiutini nappaatit pillugit paasissutissanik tigusisinnaalluni. Kalaallit Nunaanni Sullivinnik Nakkutilliisoqarfiup nutaap taamaalilluni Suliassaqartitsinermut ministeriaqarfiup ilaaniittumik maannakkut Kalaallit Nunanani Sul-
6 livinnik Nakkutilliisoqarfik 2019-imi januarip aallaqqaataaniit taarsertussaavaa. Kalaallit Nunaanni suliffeqarfinni pisimasut sulitilluni ajoqusernerit annertussusii suunerilu pillugit ilisimasaqarneq suliffinni avatangiisinut tunngasuni pitsaaliuilluni nakkutilliilluni sulinissap aaqqissuunnerani Kalaallit Nunaanni Sullivinnik Nakkutilliisoqarfimmut sakkussaapput pingaarutillit. Inuussutissarsiornermut, Suliffeqarnermut, Niuernermut Nukissiornermullu Naalakkersuisoqarfik aamma Suliassaqartitsinermut ministeriaqarfik taamaattumik naliliipput pisariaqartoq Kalaallit Nunaanni Sullivinnik Nakkutilliisoqarfik nutaaq ullumikkut Suliassaqartitsinermut ministeriaqarfiup ataaniittoq Kalaallit Nunaanni Sullivinnik Nakkutilliisoqarfik assigalugu paasissutissanut taakkunnga taamaaqataanik periarfissaqartinneqassasoq. Kalaallit Nunaat nalunaarsukkanik illersuineq pillugu peqqussut naapertorlugu nunatut isumaqatigiissummut ilaanngitsutut isigineqarmat nunamut isumaqatigiissummut ilaanngitsumut inuk pillugu paasissutissanik nuussineq pillugu nalunaarsukkanik illersuineq pillugu peqqussummi malittarisassani piumasaqaatinik nuussineq eqqortitsippat Arbejdsmarkedets Erhvervssikringi Kalaallit Nunanni Sullivinnik Nakkutilliisoqarfimmut inuk pillugu paasissutissanik taamaallaat ingerlatitseqqissinnaavoq, tassunga pingaartumik ilanngullugit peqqussummi immikkoortut 44-46. Imm. 3.1.1.-imi qulaani allanneqartutut pisortani oqartussat imaluunniit aaqqissugaasut akornanni atortinneqarsinnaasunik inatsisitigut pituttuisumik sakkoqarnikkut pisariaqartunik qularnaveeqqusiinernik aalajangersaasoqarsimappat nalunaarsukkanik illersuineq pillugu peqqusummi immikkoortoq 46, imm. 1 malillugu, immikkoortoq 46, imm. 2, litra a-mut ataatsimoortillugu, inuk pillugu paasissutissanik nunamut isumaqatigiissummut ilaanngitsumut nuussisoqarsinnaavoq. Tamanna tunuliaqutaralugu siunnersuutigineqarpoq Kalaallit Nunaanni sulitilluni ajoqusersinnaanermut isumannaarineq pillugu inatsimmi 42 a allanngortinneqassasoq, taamaalilluni Arbejdsmarkedets Erhvervssikringi aamma sullivinni avatangiisinut tunngasunik taakkuninngalu nakkutilliinermik Namminersorlutik Oqartussat tigusinerisa kingorna nalunaarsuisarfimmiit kiisalu sulitillu ajoqusernerit aamma inuussutissarsiutini nappaatit pillugit nalunaarsukkanut tunngavinniit sulitilluni ajoqusernerit pillugit paasissutissanik attuumassuteqartunik pisariaqartunillu Kalaallit Nunaanni sullivinnik nakkutilliisoqarfimmut ingerlatitseqqittarluni. Arbejdsmarkedets Erhvervssikringimiit inuk pillugu paasissutissanik Kalaallit Nunananut ingerlatitseqinneq, Arbejdsmarkedets Erhvervssikringimut atuuttut inuk pillugu paasissutissanik nunamut isumaqatigiissummut ilaanngitsumut nuussineq pillugu nalunaarsukkanik illersuineq pillugu peqqussummi malittarisassanut sinaakkusiussat iluanni pinissaa siunertaralugu, aammattaaq siunnersuutigineqarpoq Namminersorlutik Oqartussat isumaqatigiinniarfigereerlugit suliassaqartitsinermut ministeriaqarfik paasissutissanik nuussineq pillugu pisariaqartunik qularnaveeqqusiinernik nalunaarutikkut aalajangersaasoqassasoq. Soorlu imm. 3.1.1.-imi qulaani allanneqartoq qularnaveeqqusiinerit pingaartumik inuk pillugu paasissutissanik suliarinninneq pillugu tunngaviit nalinginnaasut aamma ilusiliinikkut nalunaarsukkanik illersuineq aamma pitsaassutsinik inassuteqarnikkut nalunaarsukkanik illersuineq pillugu tunngavinnik eqqortitsinermut tunngasuusariaqarput. Aammattaaq naatsorsuutigineqarluni aalajangersakkanik aalajangersaasoqassasoq, taamaalilluni nalunaarsugaasut atortinneqarsinnaasunik kinguneqarluartunik pisinnaatitaaffinnik qulakkeerneqarlutik. Piginnaatitsinermut aalajangersakkamik siunnersuuteqartoqarneranut tunuliaqutaasoq tassaavoq malittarisassanik nassuiaanermut naleqqiullugu allannguisoqassappat sukkasuumik allanngortinneqarsinnaasunik nalunaarutikkut qularnaveeqqusiinerit aalajangersarneqarpata tamanna Suliassaqartitsinermut ministeriaqarfiup isumaa naapertorlugu tulluarnerussasoq. Piginnaatitsineq siunnersuutigineqarpoq 42 a-mi imm. 2-tut nutaanut ikkunneqassasoq. Arbejdsmarkedets Erhvervssikringimiit Kalaallit Nunaanni Sullivinnik Nakkutilliisoqarfimmut inuk pillugu paasissutissanik nuussisoqarsinnaanera siunertaralugu, peqqussutikkut nr. 1238, 14. oktober 2016-imeersukkut Kalaallit Nunaannut atuutilersinneqarsimasumi inummut nalunaarsukkat pillugit inatsimmi malittarisassanit annertunerusunik paasissutissanik taamatut ittunik Kalaallit Nunaanni Sullivinnik Nakkutilliisoqarfiup suliarinninnera pillugu malittarisassanik aalajangersaanissaq pisariaqarsinnaammat, aammattaaq siunnersuutigineqarpoq malittarisassanik taamatut ittunik Kalaallit Nunaanni Sullivinnik Nakkutilliisoqarfiup eqqortitsineranik Datatilsyni aamma nakkutilliisassasoq, tassa inuk pillugu paasissutissanik Kalaallit Nunaanni Sullivinnik Nakkutilliisoqarfiup suliarinninneranik nakkutilliinermut atatillugu Datatilsynip piginnaatitaanera pillugu nalornisoqalersinnaammat. Aammattaaq inuk pillugu paasissutissanik suliarinninneq pillugu malittarisasanik eqqortitsisoqarneranik nakkutilliinermi, tassunga ilanngullugu nalunaarsugaasunut pisinnaatitaaffinnik nakkutilliineq, qularnaveeqqusiinerit allat aalajangersarneqartut peqatigalugit, nalunaarsukkanik illersuineq pillugu peqqussummi immikkoortoq 46., imm. 1 naapertorlugu qularnaveeqquusisoqarnera Danmarkip aamma Kalaallit Nunaata akornanni paasissutissanik nuussisoqarnera pillugu pisariaqartunik qularnaveeqqusiisoqarneratut iliuuseqarnertut nalilerneqarpoq.
7 4. Pisortanut aningaasaqarnikkut allaffissornikkullu kingunissai Inatsisissatut siunnersuut naalagaaffimmut, nunap immikkoortuinut imaluunniit kommuninut aningaasaqarnikkut allaffissornikkulluunniit kinguneqassanngilaq. 5. Inuussutissarsiortunut il.il. aningaasaqarnikkut allaffissornikkullu kingunissai Inatsisissatut siunnersuut inuussutissarsiuteqartunut il.il. aningaasaqarnikkut allaffissornikkulluunniit kinguneqassanngilaq. 6. Innuttaasunut allaffissornikkut kingunissai Suliffeqarfinni suliffinni avatangiisinik nakkutilliinermik Kalaallit Nunaanni Sullivinnik Nakkutilliisoqarfiup taamaallaat siunertaqanera siunnersuummi allanngortinneqanngilaq. Taamaattumik nalunaarsuiffiit ataatsimoortinnerini inernerit, sullivinnik nakkutilliinermut tunngasunik Namminersorlutik Oqartussat tigusinerisa kingorna nakkutilliinermut eqqorneqartunut inunnut kinguneqartitsissanngilaq. Kiisalu oqaatigineqassalluni Arbejdsmarkedets Erhvervssikringip ataani Center for Arbejdskadip aamma Suliassaqartitsinermut ministeriaqarfiup ataani Kalaallit Nunaanni Sullivinnik Nakkutilliisoqarfiup akornanni ullumikkut ingerlareersunik sulinerit pilersinneqareersimasut ingerlateqqinneqarneri pineqarmata. Kalaallit Nunaanni Sullivinnik Nakkutilliisoqarfik taamaalilluni Arbejdsmarkedets Erhvervssikringip ataani Center for Arbejdskadimiit paasissutissanik taakkuninnga ullumikkut tigusisareerpoq. Inatsisissatut siunnersuut allatigut innuttaasunut allaffissornikkut kinguneqartitsinngilaq. 7. Avatangiisitigut kingunissai Inatsisissatut siunnersuut avatangiisitigut kinguneqartitsissanngilaq. 8. EU-mi inatsisinut pissutsit Immikkoortut pingajuanni nalinginnaasumik nassuiaatini erseqqinnerusumik allaaserineqartut nalunaarsukkanik illersuineq pillugu peqqussummi malittarisassat eqqarsaatigalugit siunnersuut suliarineqarpoq. 9. Oqartussat suleqatigiiffiillu il.il. tusarniarneqartut Inatsisissatut siunnersuummut missingiut ulluni [ ] Danmarkimi aamma Kalaallit Nunaanni pisortani oqartussani suleqatigiiffinnilu ukunani tusarniutigineqarsimasoq: [Nalunaarsuiffik Kalaallit Nunaat oqaloqatigalugu suliarineqarsimavoq]. 10. Immersugaq eqikkaasoq Naalagaaffimmut, kommunini nunallu immikkoortuinut aningaasatigut kingunissai Naalagaaffimmut, kommunini nunallu immikkoortuinut allaffissornikkut kingunissai Inuussutissarsiortunut il.il. aningaasaqarnikkut allaffissornikkullu kingunissai Innuttaasunut allaffissornikkut kingunissai Kingissat pitsaasut/annikinnerusumik aningaasartuutit (aappiuppat, annertussusia allallugu) Kingunissat ajortut/annertunerusumik aningaasartuutit (aappiuppat, annertussusia allallugu) Avatangiisitigut kingunissai EU-mi inatsisinut pissutsit Inatsisissatut siunnersuut nalunaarsukkanik illersuineq pillugu peqqussummi malittarisassat eqqarsaatigalugit suliarineqarpoq. EU-mi inatsisitigut minnerpaamik pisussaaffiit sinneqartumik atuutilersinneri (Xliineq) AAP NAAMIK X
8 Inatsisissatut siunnersuummi aalajangersakkanut ataasiakkaanut nassuiaatit 1-imut Nr. 1-imut Inatsimmi 42 a, oqaaseqatigiinni siullerni aalajangersagaq atuuttoq malillugu Sullivinnik Nakkutilliisoqarfiup nakkutilliineranut misissuineranullu siunnerfeqartumik atugassanik suliffeqarfiit suunerinik paasiniarnerini nakkutilliineq siunertaralugu suliarinninnissamut nalunaarsukkanillu ataqatigiissitsinissaq siunertaralugu Suliassaqartitsinermut ministeriaqarfiup ilaani Kalaallit Nunaanni Sullivinnik Nakkutilliisoqarfimmut sulitilluni ajoqusernernik nalunaarutigineqartussanik nalunaarsuiffimmiit paasissutissanik pisariaqartunik kiisalu sulitilluni ajoqusernerit inuussutissarsiutitigullu nappaatit pillugit nalunaarsukkatigut tunngavinnik nuussinissamut Arbejdsmarkedets Erhvervssikringi tunngavissaqarpoq. 42 a, oqaaseqatigiinni siullerni, siunnersuutigineqarpoq»arbejdstilsyni«imatut allanngortinneqassasoq:»sullivinnik Nakkutilliisoqarfik«, suliffinni avatangiisinut tunngasunik Namminersorlutik Oqartussat tigusinerisa kingunerisaatut. Nunami suliffinni avatangiisinut tunngasunik ulloq 1. januar 2019-imi tigusinerup kingorna ullumikkut Suliassaqartitsinermut ministeriaqarfiup ilarisaanik maannakkut Kalaallit Nunaanni Sullivinnik Nakkutilliisoqarfimmik taarsiisussamik Sullivinnik Nakkutilliisoqarfimmik namminersortumik pilersitsisoqassaaq. Sulitilluni ajoqusernernik nalunaarnissamut ataatsimut aaqqissuussineq Arbejdsmarkedets Erhvervssikringip ataani Center for Arbejdsskadimi, aaqqissuussinermut oqartussaasumi aaqqissugaanikkut inissisimavoq. Aalajangersakkami siunnersuutigineqartumi Arbejdsmarkedets Erhvervssikringi nalunaartarfimmiit sulitilluni ajoqusernerit pillugit paasissutissanik pisariaqartunik Kalaallit Nunaanni Sullivinnik Nakkutilliisoqarfimmut tunniussisassaaq. Arbejdsmarkedets Erhvervssikringi aamma sulitilluni ajoqusernerit inuussutissarsiutitigullu nappaatit pillugit nalunaarsukkanik tunngavimminit paasissutissanik pisariaqartunik tunniussisussaassaaq. Allanguutissatut siunnersuutip kingunerisaanik Kalaallit Nunaanni sullivinnik nakkutilliinermi atugassanik sulitillu ajoqusernerit il.il. pillugit paasissutissanik ingerlatitseqqinnissamik Arbejdsmarkedets Erhvervssikringi suli pisussaaffeqassaaq. Nalunaarsuisarnermik aaqqissuussineq nalunaarsukkanilu tunngaviit ilaatigut inuit ataatsiakkaat sutilillutik ajoquserneri pillugit paasissutissanik imaqarput, tassunga ilanngullugit ajoqusertoq ajoqusernerlu, nalunaaruteqartoq aamma suliffeqarfik kiisalu ajoquserfiusoq ajoqusernerlu pillugit paasissutissat. Aammattaaq nalunaarsuisarnermik aaqqissuussineq nalunaarsukkanilu tunngaviit inuussutissarsiutini nappaatit pillugit paasissutissanik imaqarlutik, tassunga ilanngullugit ajoqusertut, nappaatip suunera nalunaaruteqartorlu pillugit paasissutissat. Nakkutilliineq siunertaralugu aamma misissueqqissaarneq pitsaaliuinerlu siunertaralugit aamma kisitsisitigut paasisat siunertaralugit Kalaallit Nunaanni Sullivinnik Nakkutilliisoqarfimmit atorneqartussaassapput. Kalaallit Nunaanni sullivinnik nakkutilliisoqarnikkut oqartussat taamaalillutik allannguutissatut siunnersuutikkut sullivimmi avatangiisinik aalajangersimasumik nakkutilliinermut misissuinermullu atatillugu sulitilluni ajoqusernerit pillugit aalajangersimasumik nalunaaruteqarnerit suli atussavaat. Taamaalilluni Kalaallit Nunaanni Sullivinnik Nakkutilliisoqarfiup nutaamik pilersinneqarsimasup aamma 2019-imi januarip aallaqqaataata kingorna Kalaallit Nunaanni sullivinni avatangiisinik siunnerfeqartumik nakkutilliilluni sulinermini paasissutissat atortussaassavai. Kalaallit Nunaanni Sullivinnik Nakkutilliisoqarfiup aamma pitsaaliuinermut misissueqqissaarnermillu siunertanut aamma kisitsisitigut paasissutissatigut siunertanut paasissutissat eqaatsumik kinguneqarluartumillu suliarinissaat siunertaralugu paasissutissanik atorfissaqartitsissaaq. Kalaallit Nunaanni suliffeqarfinnut naammattumik nakkutilliilluni suliniutit aaqqissornissaannut tamanna pisariaqarpoq. Nalinginnaasumik nassuiaatinut, immikkoortoq 3.1.2- imut innersuussisoqarpoq. Nr. 2-imut Inatsimmi 42 a, oqaaseqatigiit aappaanni aalajangersakkami atuuttumi misissueqqissaarnerit pitsaaliuinerillu siunertaralugit aamma kisitsisitigut paasissutissat si-unertaralugit suliarinninnissaq aamma nalunaarsukkanik ataqatigiissitsinissaq siunertaralugu sulitilluni ajoqusernerit pillugit paasissutissat nuunneqassasut aalajangersarneqarpoq. Arbejdsmarkedets Erhvervssikringip ataani Center for Arbejdsskadimiit paasissutissanik Sullivinnik Nakkutilliisoqarfimmut nuussinermi siuner-taq taamaalilluni ingerlaannarpoq. Siunnersuutigineqarpoq 42 a, oqaaseqatigiti aappaanni,»arbejdstilsynip«imatut allanngortinneqassasoq:»sullivinnik Nakkutilliisoqarfiup«.
9 Allannguutip kingunerissavaa Kalaallit Nunaanni Sullivinnik Nakkutilliinermi oqartussat nakkutilliinerinut misissuinerinullu siunnerfeqartumik atugassanik suliffeqarfiit kinaassusersinissaannut nakkutilliineq siunertaralugu suliarinninneq nalunaarsukkanik ataqatigiissitsineq siunertaralugu paasissutissat nuunneqassasut. Allatigut siunnersuutip kingunii eqqarsaatigalugit 1, nr. 1-imut siunnersuummi nassuiaatinut kiisalu immikkoortoq 3.1.2-imi nalinginnaasumik nassuiaatinut innersuussisoqarpoq. Nr. 3-imut Siunnersuutigineqarpoq 42 a-mi imm. 2-mik nutaamik ikkussisoqassasoq, tamatuma kingunerisaanik Namminersorlutik Oqartussanik isumaqatiginninniareernikkut Arbejdsmarkedets Erhvervssikringimiit inuk pillugu paasissutissanik Kalaallit Nunaanni Sullivinnik Nakkutilliisoqarfimmut nuussinissamut pisariaqartunik malittarisassanik erseqqinnerusumik suliassaqartitsinermut ministeri aalajangersaanissamut piginnaatinneqarluni. Piginnaatitsineq siunnersuutigineqarpoq Namminersorlutik Oqartussanik isumaqatiginninniareernerup kingorna piviusunngortinneqassasoq, tassa suliassaqarfimmi nunami suliffinni avatangiisinik Namminersorlutik Oqartussat tigusimmata. Tamatuma malitsigisaanik imm. 2-imi siunnersuutigineqartoq malillugu malittarisassanik aalajangersaanermut atatillugu Namminersorlutik Oqartussanik Suliassaqartitsinermut ministeri tamatigut isumaqatiginninniartussaassaaq. Siunissami Kalaallit Nunaanni sullivinnik nakkutilliinermi oqartussanut paasissutissat nuunnissaannut pisariaqarpoq atortinneqarsinnaasunik pisinnaatitaaffinnik peqarneranik pisariaqartutigut qularnaveeqqusiisoqarnissaa, aamma nalunaarsukkanik illersuineq pillugu peqqussummi immikkoortoq 46, imm. 1 naapertorlugu nalunaarsugaasumut kinguneqarluartunik inatsisitigut atortussaqarluni. Nalunaarummi atulersinneqartuni malittarisassatigut nalunaarsukkanik illersuineq pillugu peqqussummi immikkoortoq 46, imm. 2 naapertorlugu inatsisitigut pituttuisumik sakkussaqarnikkut tamanna qulakkeerneqassaaq. Piginnaatitsineq taamaalilluni nalunaarutikkut piviusunngortinneqassaaq ilaatigut qularnaveeqqusiinerit pingaartumik pitsaassutsitsigut inassuteqarnikkut inuk pillugu paasissutissat suliarinerinut nalinginnaasumik tunngavinnik aamma nalunaarsukkanik illersuineq pillugu tunngavinnik eqqortitsineq pillugu malittarisassatigut, soorlu nalunaarsukkanik illersuineq pillugu peqqussummut aallaqqaasiummi isiginninneq 108-imi eqqaaneqartoq. Aammattaaq tunngavigineqarluni nalunaarsugaasoq kinguneqarluartunik pisinnaatitaaffeqarnissaat qulakkeerneqassasoq. Siunnersuutigineqarpoq 42 a, imm. 3-mik nutaamik ikkussisoqassasoq, taamaalilluni siunnersuutigineqartoq 42 a, imm. 2 malillugu nalunaarummi aalajangersarneqartunik malittarisassanik eqqortitsisoqarneranik Datatilsyni nakkutiginnissalluni. Aalajangersagaq malillugu siunnersuutigineqartumi 42 a, imm. 2 naapertorlugu aalajangersarneqartunut malittarisassanut tunngatillugu Datatilsyni piginnaatitaassaaq. Datatilsynip pilersinneqarnera, suliassai pisinnaatitaaffiilu peqqussummi nr. 1238, 14. oktober 2016-imeersumi immikkoortoq VI-mi malinneqarpoq, tak. naliginnaasumik nassuiaatini immikkoortoq 3.1.1- imi tamanna pillugu. 42 a, imm. 2 siunnersuutigineqartoq malillugu nalunaarummi aalajangersarneqartunik paasissutissanik nuussineq pillugu pisariaqartunik qularnaveeqqusiinerit eqqortinnerinik Datatilsyni taamaalilluni nakkutilliissaaq, tassunga ilanngullugit inuk pillugu paasissutissanik suliarinninneq pillugu tunngaviit nalinginnaasut aamma ilusiliinikkut nalunaarsukkanik illersuineq aamma pitsaassutsinik inassuteqarnikkut nalunaarsukkanik illersuineq pillugu tunngavinnik nalinginnaasunik malittarisassat kiisalu nalunaarsugaasut atortinneqarsinnaasunik kinguneqarluartunik pisinnaatitaaffinnik qulakkeerinninneq pillugu malittarisassat. Allatigut nalinginnaasumik nassuiaatinut, immikkoortoq 3.1.1-imut innersuussisoqarpoq. 2-imut Kalaallit Nunaanni sullivinni avatangiisit pillugit inatsisartut inatsisaat nutaaq 2019-imi januarip aallaqqaataani atuutilissaaq. Taamaattumik siunnersuutigineqarpoq allannguut taanna peqatigisaanik atulersinneqassasoq.
10 Inatsisissatut siunnersuutip inatsimmut atuuttumut sanilliunnera Ilanngussaq 1 Oqaasertat atuuttut Inatsisissatut siunnersuut 1 Kalaallit Nunaanni sulitilluni ajoqusersinnaanermut isumannaarineq pillugu inatsimmi, tak. inatsimmik nalunaarut nr. 75, 16. januar 2017-imeersoq, inatsimmi nr. 461, 15. maj 2017-imeersumi 2-kkut allanngortinneqartumi, imatut allannguisoqarpoq: 1. 42 a, oqaaseqatigiinni siullerni,»arbejdstilsyni«imatut allanngortinneqarpoq:»sullivinnik Nakkutilliisoqarfik«. 2. 42 a, oqaaseqatigiit aappaanni,»arbejdstilsynip«imatut allanngortinneqarpoq:»sullivinnik Nakkutilliiviup«. 42 a. Sulitilluni ajoqusernerit nalunaarutiginissaannut aamma sulitilluni ajutoornerit inuussutissarsiornermilu nappaatit pillugit nalunaarsukkatigut tunngavigisani nalunaarsuisarfimmiit paasissutissat pisariaqartut Arbejdsmarkedets Erhvervssikringip Sullivinnut Nakkutilliisoqarfimmut ingerlateqqittarai. Sullivinnik Nakkutilliisoqarfiup nakkutilliineranut misissuisarneranullu siunnerfeqartumik atugassanngorlugit suliffeqarfiit kikkuunerinik paasisaqarnissamut suliarinninneq aamma nakkutilliineq siunertaralugu nalunaarsukkanik ataqatigiissitsinissaq siunertaralugu paasissutissat ingerlateqqinneqartartut. Paasissutissat aamma misissueqqissaarnissamik pitsaaliuinissamillu siunertanut aamma kisitsisitigut paasissutissanut siunertanut suliarinninnissaq nalunaarsukkallu ataqatigiissinnissaat siunertaralugu ingerlateqqinneqartarput. 3. 42 a-mi imm. 2-tut aamma 3-tut ikkunneqarput:»imm. 2. Suliassaqartitsinermut ministeri Namminersorlutik Oqartussanik isumaqatiginninniareerluni Arbejdsmarkedets Erhvervssikringimiit Sullivinnik Nakkutilliisoqarfimmut inuk pillugu paasissutissanik nuussinissamut pisariaqartunik malittarisassanik erseqqinnerusunik aalajangersaasinnaavoq. Imm. 3. Imm. 2 malillugu aalajangersarneqartunik malittarisassanik eqqortitsinermik datatilsyni nakkutilliissaaq«2 Inatsit ulloq 1. januar 2019-imi atuutilissaaq.