29. maj 2018 Nr. 623 Erhvervsstyrelsimi nalunaaruteqarneq, nalunaarsuineq, akitsuutit kiisalu tamanut saqqummiussisarneq pillugit Kalaallit Nunaannut nalunaarut Aktie- aamma anpartsselskabit pillugit inatsimmi (ingerlatseqatigiiffiit pillugit inatsit), kunngip peqqussutaatigut nr. 486, 14. maj 2018-imeersukkut Kalaallit Nunaannut atulersinneqartumi 8 a, imm. 1 aamma 2, 8 b, 12, imm. 1-3, 13, imm. 1 aamma 2, 350, imm. 2, oqaaseqatigiit aappaat aamma 367, imm. 4, aktieselskabit pillugit inatsimmi, kunngip peqqussutaatigut nr. 620, 23. januar 2008-imeersukkut Kalaallit Nunaannut atulersinneqartumi 154, imm. 3-8, inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut nr. 622, 23. juni 2008- imeersukkut Kalaallit Nunaannut atulersinneqartumi 2, imm. 3, oqaaseqatigiit, 10, imm. 7, oqaaseqatigiit aappaat, 16, imm. 2-5 aamma 23, imm. 2, inuussutissarsiutigalugu aningaasaateqarfiit pillugit inatsimmi, kunngip peqqussutaatigut nr. 485, 14. maj 2018-imeersukkut Kalaallit Nunaannut atulersinneqartumi 8, imm. 1 aamma 2, 9, imm. 1 aamma 2, 11, imm. 3 aamma 4, aamma 19, imm. 2-4 aamma ukiumut naatsorsuutit pillugit inatsimmi, kunngip peqqussutaatigut nr. 587, 14. maj 2018-imeersukkut ukiumut naatsorsuutit pillugit inatsisip allanngortinnerani inatsisini assigiinngitsuni aalajangersakkat aalajangersimasut Kalaallit Nunaannut atulersinneqarnerini 156, imm. 1-3 naapertorlugit aalajangersarneqarpoq: Kapitali 1 Atuuffia 1. Nalunaarut suliffeqarfinnut makkununnga atorneqarpoq, inatsisit naapertorlugit Erhvervsstyrelsimut nalunaarsorneqartussaasut imaluunniit nalunaarsugassatut nalunaarutigineqartussaasut: 1) Ingerlatseqatigiiffiit aningaasaliiffiusut: a) Aktieselskabit. b) Anpartsselskabit, tassunga ilanngullugit ingerlatseqatigiiffiit aallarnisaasut. c) Peqatigisaqarluni ingerlatseqatigiiffiit. 2) Suliffeqarfiit Finanstilsynimit nakkutigineqartut, imaluunniit suliffeqarfik Finanstilsynimiit akuersissuteqarnikkut taamaallaat ingerlataqarsinnaasoq, aamma aktieselskabiunngitsut, kisiannili aktieselskabit pillugit malittarisassat malillugit nalunaarsorneqartussat, a) Pensionskassit naalagaaffimmit ingerlanneqanngitsut. b) Sillimmaseeqatigiiffiit, aningasarsiornermik ingerlatsineq pillugu inatsimmi, kunngip peqqussutaatigut Kalaallit Nunaannut atulersinneqartumi 30-imut ilaasut. 3) Suliffeqarfiit, suliffeqarfiit inuussutissarsiuteqartut aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqartumut ilaasut. 4) Aningaasaateqarfiit inuussutissarsiuteqartut. Kapitali 2 Nalunaarsuineq tamanullu saqqummiussineq pillugit ataatsimut aalajangersakkat Ingerlatseqatigiiffiit il.il. pillugit www.dk-mi Erhvervsstyrelsip nammineq kiffartuussiviani nalunaarsuineq kiisalu aggersaanernik tamanut saqqummiussineq 2. Suliffeqarfik, tak. 1, imaluunniit inuk, suliffeqarfimmit piginnaatitaasoq, ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-imi Erhvervsstyrelsip qarasaasiaqarfiani, tak. 3 aamma 4, nalunaarsuinerup, nalunaaruteqarnerup imaluuunniit tamanut saqqummiussinerup isumaginissaanut periarfissaqarsinnaapput, ingerlatseqatigiiffik pineqartorluunniit: 1) atuisutut Erhvervsstyrelsimit akuerineqarsimappat, 2) imminut kiffartuussivimmik atuineq pillugu malittarisassanik erseqqinnerusunik malittarisassaliortumik Erhvervsstyrelsimik isumaqatigiissuteqarsimappat, imaluunniit 3) Erhvervsstyrelsimit akuerineqarsimasumik digitalikkut atsiornermik imaluunniit NemID-mik atuippat. Imm. 2. Nalunaaruteqartoq suliffeqarfiuppat nalunaaruteqartup CVR-normua nalunaarsuinermi imaluunniit nalunaaruteqarnermi allanneqassaaq. Imm. 3. Inuussutissarsiornikkut nalunaarsuineq imaluunniit allat sinnerlugit suliffeqarfimmik pilersitsisoqarneranik nalunaaruteqarneq pineqarpat nalunaaruteqartup uppernarsassavaa eqqartuussissuserisuulluni imaluunniit naalagaaffiup akuerisaatut imaluunniit nalunaarsugaasutut kukkunersiuisuulluni. 3. Pilersitsinerit imaluunniit ingerlatseqatigiiffiit pillugit inatsimmi malittarisassat malillugit nalunaarsorneqarsimasunik paasissutissanik nalunaarsorneqareersimasunik allannguinerit ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsorneqassapput, imminut kiffartuussivimmi suliffeqarfiit taamatut ittut taamatut nalunaarsuinerit passunnissaannut Erhvervsstyrelsi qarasaasiaqarfimmini inerisaasimappat.
Imm. 2. Atuisup ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-imi nalunaarsuinera digitalikkut ingerlaannartumik aalajangiisoqarneratigut Erhvervsstyrelsimit aalajangiiffigineqarsinnaavoq, imaluunniit suliaq assaat atorlugit suliassatut suliassanngortinneqarsinnaalluni. Suliaq assaat atorlugit suliassatut suliassanngortinneqassanersoq Erhvervsstyrelsi aalajangiissaaq. Atuisoq pisuni tamani suliaq aalajangiiffigineqarpat ilisimatinneqartassaaq. 4. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-imi nalunaarutinik nalunaajaatinillu il.il. tamanut saqqummiussineq pisinnaavoq nammineq kiffartuussivimmi suliffeqarfiit taamatut ittut taamatut nalunaarutit passunnissaannut Erhvervsstyrelsi qarasaasiaqarfimmini inerisaasimappat. Tamanna pillugu paasissutissiineq nittartakkami www.erst.dk-mi tamanut saqqummiunneqassaaq. Imm. 2. Danskit oqaasiinit allaanerusunik oqaatsini allani ingerlatseqatigiiffik pillugu paasissutissanik tamanut saqqummiussineq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumiu 13, imm. 2, ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi ingerlanneqassapput. 5. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuineq, nalunaaruteqarneq imaluunniit tamanut saqqummiussineq, tak. 3 aamma 4, ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi takuneqarsinnaasut naapertorlugit ingerlanneqassapput. Imm. 2. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinermi, nalunaaruteqarnermi imaluunniit tamanut saqqummiussinermi atuisup digitalikkut atsiornera imaluunniit NemID atorneqassaaq, allamik Erhvervsstyrelsi aalajangersaasimanngippat. Imm. 3. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinissamut, nalunaaruteqarnissamut imaluunnit tamanut saqqummiussinissamut periarfissaqarnermik atornerluisoqarneranik imaluunniit atornerluisoqarsimaneranik tunngavissaqartumik aqutsisoqarfik pasisaqarpat aqutsisoqarfik pisinnaatitaavoq tamatumunnga atuisup periarfissaqarneranut ingerlaannartumik sunniuteqartumik matusinissamut. Nalunaarsugassamut nalunaarummik nassiussineq 6. Nalunaaruteqarneq ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi pisinnaanngippat nalunaaruteqarneq Erhvervsstyrelsip nalunaaruteqarnermi immersortagaatigut pissaaq. Imm. 2. Nalunaarsuineq imaluunniit nalunaaruteqarneq uppernarsaanerlu nalunaaruteqarneq peqatigalugu nalunaarutigineqartussaq elektroniskimik nalunaarutigineqarsinnaavoq. Imm. 3. Pissutsini nalunaarutigineqartuni arlalinni allannguinermi nalunaaruteqarnermi immersuiffissaq imaqarpat nalunaarsuineq ataatsimoortumik imaluunniit pissutsinut ataasiakkaanut tamanut immikkut pisinnaavoq. Ingerlatseqatigiiffiit il.il. pillugit www.dk-mi Erhvervsstyrelsip nammineq kiffartuussiviani nalunaarsuinermut akisussaaneq aamma nalunaarutinik nassiussanut akisussaaneq 7. Suliffeqarfiup Erhvervsstyrelsimut naleqqiullugu suliffeqarfik sinnerlugu nalunaaruteqartup fuldmægtigitut pissusilersornissaanut aamma ingerlatseqatigiiffiit il.il. pillugit www.dk-mi Erhvervsstyrelsip nammineq kiffartuussiviani nalunaarsuinermik isumaginninnissaanut imaluunniit ingerlatseqatigiiffiit pillugit inatsisit malillugit nalunaarsugassanik pissutsinik nalunaarutinik atsiornissamut piginnaatippaa. 8. Nalunaaruteqartoq ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi pissutsinik nalunaarsuisoq imaluunniit Erhvervsstyrelsip qarasaasiaqarfiani nalunaarsuinissamut tamanna pillugu nassiussisoq nalunaarsuinerup nalunaaruteqarnerulluunniit inatsisit naapertorlugit pisimeranut akisussaavoq, tassunga ilanngullugu iluameersumik piginnaatitsissummik peqarnersoq, aamma nalunaaruteqarnermut, nakunaarsuinermut nalunaarutiginninnermullu atatillugu uppernarsaat atuuttuunersoq. Imm. 2. Aqutsisoqarfiup piumasarisinnaavaa ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinerup imaluunniit nalunaaruteqarnerup inatsisit naapertorlugit pisimaneranik uppernarsaammik nassiussisoqassasoq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaanni atulersinneqartumi 17, aamma inuussutissarsiutigalugu aningaasaateqarfiit pillugit inatsimmi, kunngip peqqussutaatigut Kalaallit Nunaannut atulersinneqartumi 17. Imm. 3. Imm. 1 aamma 2 taamaaqataanik ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarutit il.il. tamanut saqqummiunneqarnerini atuupput, tak. 4. Oqaatsitigut piumasaqaatit 9. Paasissutissat Erhvervsstyrelsip qarasaasiaqarfiani nalunaarsorneqartut danskisuujussapput. Imm. 2. Uppernarsaatit, ingerlatseqatigiiffiit pillugit inatsit malillugu ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinermut atassuteqartut imaluunniit nalunaarsugassanngorlugit nassiunneqartumut nalunaarummut ilanngussatut ilanngunneqartut, imaluunniit Erhvervsstryelsip qarasaasiaqarfiani tamanut saqqummiunneqartut, tak, 29, danskisuujussapput, taamaattorli tak. imm. 3-5. Imm. 3. Ingerlatseqatigiiffinnut aningaasaliiffiusunut uppernarsaatit, ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinermut atassuteqartut imaluunniit ingerlatseqatigiiffiit pillugit inatsimmi malittarisassat malillugit nalunaarsugassatut nassiunneqartumut nalunaarummut ilanngussatut ilanngunneqartut, imaluunniit Erhvervsstyrelsip qarasaasiaqarfiani tamanut saqqummiunneqartut tuluttuujusinnaapput. Taamaattorli tassunga ilaanngillat malittarisassat kiisalu pilersitsinermi allagaatit danskisuujusussat. Imm. 4. Nunanit allaneersut ingerlatseqatigiiffiit aningaasaliiffiusut immikkoortortai eqqarsaatigalugit Erhvervsstyrelsimut
nalunaarutigineqartut allagaatit danskisuujusinnaapput imaluunniit tuluttuujusinnaapput. Ingerlatseqatigiiffiulli siunertaa atsiorsinnaanermullu malittarisassaa nalunaarsuinissaq siunertaralugu danskisuujussallutik. Imm. 5. Aqutsisoqarfiup piumasarisinnaavaa ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi atasunik allagaatit tamarmik imaluunniit aqutsisoqarfimmut nalunaarutigineqartut danskisuunngorlugit nutsertinneqassasut, tak. imm. 2-4. Nalunaarsuinermut uppernarsaat aamma nalunaarsuinermut akiliut 10. Nalunaarsuineq isumagineqarpat nalunaarsuinermut uppernarsaat aamma paasissutissat nalunaarsorneqartut allanneqarneri nassiunneqassapput. Imm. 2. Nalunaarsuinernut akiliummik akilerneqartussanut akiliummik akileeqqusineq Erhvervsstyrelsimut akiliummik akiliisussaasumut nalunaaruteqartumut, ilanngussaq 1-imi aalajangersarneqarsimasut akigititat malillugit nassiunneqassaaq. Imm. 3. Nalunaarsuinermut akiliummik akiliineq Erhvervsstyrelsip suleriaatsitsitut allassimasaa malillugu pissaaq. Imm. 4. Akiliinissamut piffissaliussaq qaangerneqarpat akileeqqussutinut suleriaatsinut atatillugu Erhvervsstyrelsip aningaasartuutaanut matussutissanut ilanngussaq 1-imi allassimasunut aningaasanut akileeqqusinermi akiliummik akiliisitsisoqassaaq. Nalunaarsuinermi akiliut akileeqqusinermilu akiliummut tapiliussaq ilanngullugu suli akilerneqanngippata akiliummik akileeqqusineq akiliisitsiniartarfimmut nassiunneqassaaq. Imm. 5. Akiliummik akiitsoqartoqarpat nalunaarsuinernut nutaanut nalunaarsuinermi akiliummik akiliinissamut piumasaqaateqartoqassaaq, akiliummik akiitsut akilerneqarnissaasa tungaannut. Imm. 6. Nalunaarut nalunaarsorneqarnermik kinguneqanngippat akiliummik akiliisoqassanngilaq. Akiliut siumoortumik akilerneqarsimappat utertinneqassaaq. Erhvervsstyrelsimiit allakkanik il.il. nassiussineq 11. Ingerlatseqatigiiffit pillugit inatsit, kunngip peqqussutaatigut Kalaallit Nunaannut atulersinneqartoq imaluunniit taanna naapertorlugu malittarisassat atulersinneqartut naapertorlugit maskiinakkut taamaaqataanilluunniit atsiornermik issuarneqartumik imaluunniit digitalikkut atsiorneqartumik imaluunniit aalajangiinermik imaluunniit allakkamik atulersitsisup inuup paatsuugassaanngitsumik kinaaneranik qulakkeerisumik NemID atorlugu Erhvervsstyrelsi allakkanik nassiussisinnaavoq. Imm. 2. Digitalikkut pilersinneqartut allakkat uku taamaallaat Erhvervsstyrelsi nassiussisutut allanneqarluni nassiunneqarsinnaapput: 1) Nalunaarutit tiguneqarnerinut uppernarsaatit. 2) Nalunaarsuinerit isumagisimanerinut uppernarsaatit. 3) Digitalikkut pilersinneqartut naqitat aqutsisoqarfiup qarasaasiaqarfianit www.virk.dk-imeersut. 4) Pinngitsaaliinikkut atorunnaarsitsinermi allakkat. Imm. 3. Allakkat, digitalikkut pilersinneqarsimanngitsut, suliamik suliarinninnerit allat atorlugit uppernarsarneqartut, nukingsaarutaasut isumagineqartulluunniit, pingaaruteqanngitsut, taamaallaat Erhvervsstyrelsi nassiussisutut allanneqarluni nassiunneqarsinnaapput. Imm. 4. Erhvervsstyrelsi pissutsit, ingerlatseqatigiiffiit pillugit inatsimmut, kunngip peqqussutaatigut Kalaallit Nunaannut atulersinneqartumut, imaluunniit taanna naapertorlugu najoqqutassanut atulersinneqartut pillugit ingerlatseqatigiiffinnut inunnullu allakkanik assigisaanillu imatut nassiussinnaavoq: ) Digital Postimi ingerlatseqatigiiffiup imaluunniit inuup digitalikkut allagarsisarfianut digitalikkut allakkatut, ingerlatseqatigiiffiup CVR-normuanut, inuup CPR-normuanut atassuteqartut, ingerlatseqatigiiffik inulluunniit Digital Postimut atassuteqarnissamut ilaatinneqanngippat. 2) Suliamut imaluunniit saaffiginnissummut aalajangersimasumut atatillugu ingerlatseqatigiiffimmut inummulluunniit e-mailimi najugaanut e-mailikkut. 3) Ingerlatseqatigiiffiup inuulluunnit najugaanut pappialat tunngavigalugit allakkatut. Tamanut saqqummiussineq 12. Nalunaarsuinerit, nalilersuinernik nalunaarusianik tigusineq, kattunnissamut pilersaarutit, agguataarinissamut pilersaarutit, naliliisartuniit nalunaarutit aamma aqutsisut nalunaarutaat il.il. ingerlatseqatigiiffiit pillugit inatsimmi malittarisassat malillugit Erhvervsstyrelsip qarasaasiaqarfiani tamanut saqqummiunneqartussat Erhvervsstyrelsip nittartagaani data.virk.dk-mi tamanut saqqummiunneqassapput. Imm. 2. Ingerlatseqatigiiffiit pillugit inatsimmi malittarisassat malillugit nalunaarsuinerit, data.vird.dk-mi tamanut saqqummiunneqartut allamit ilisimalerneqarsimasutut isigineqarput. 13. Suliffeqarfik pillugu allagaatit, Erhvervsstyrelsimiittut tamanit pissarsiarineqarsinnaapput. Tamannali allagaatinut, pisortat ingerlatsinerat pillugu paasitinneqarsinnaatitaaneq pillugu inatsit, kunngip peqqussutaatigut Kalaallit Nunaannut atulersinneqarsimasoq imaluunniit ingerlatsinermi inatsit, kunngip peqqussutaatigut Kalaallit Nunaannut atulersinneqarsimasoq malillugu tamanut saqqummiunneqartussatut ilaanngitsunut atuutinngilaq, tassunga ilanngullugit uku allagaatit: 1) Inummi pissutsit pillugit uppernarsaatit. 2) Naatsorsuutit, inatsit naapertorlugit tamanut ammasuunngitsut. 3) Inuussutissarsiutigalugu aningaasaateqarfinni niuernikkut ingerlatsinikkullu pissutsit assigisaaluunniit, inuussutissarsiutigalugu aningaasaateqarfiit pillugit inatsimmi, kunngip peqqussutaatigut Kalaallit Nunaannut atulersinneqartumi 17 imaluunniit 24 malillugu aqutsisoqarfiup aningaasaateqarfimmi oqartussatut pigisai pillugit paasissutissat, aningaasaateqarfimmut aningaasaqarnikkut annertuumik pingaaruteqartuuneri eqqarsaatigalugit allagaatinik takunnissinnaanermut paasissutissat
ilaatinneqarnatik, tak. inatsimmi 20, tak. pisortat ingerlatsinerat pillugu paasitinneqarsinnaatitaaneq pillugu inatsimmi, kunngip peqqussutaatigut Kalaallit Nunaannut atulersinneqartumi 12. Imm. 2. Inuussutissarsiutigalugu aningaasaateqarfiit eqqarsaatigalugit imm. 1, oqaaseqatigiinni siullermi aalajangersagaq taamaallaat atuuppoq aqutsisoqarfik uku pillugit ima aalajangiippat: 1) Paasissutissat inuussutissarsiutigalugu aningaasaateqarfiit pillugit inatsimmi, kunngip peqqussutaatigut Kalaallit Nunaannut atulersinneqartumi 75 malillugu aningaasaateqarfimmi pissutsit pillugit kukkunersiuisup tunniutissagai aqutsisoqarfik peqqusineratigut. 2) Nalunaarut, inuussutissarsiutigalugu aningaasaateqarfiit pillugit inatsimmi, kunngip peqqussutaatigut Kalaallit Nunaannut atulersinneqartumi 25, imm. 4 malillugu misissuisunit tunniunneqartussaq, tak. ingerlatsinermi inatsimmi, kunngip peqqussutaatigut Kalaallit Nunaannut atulersinneqarsimasumi 14, imm. 1, nr. 3. 14. Allagaatit, Erhvervsstyrelsimi tamanit pissarsiarineqarsinnaasut, piumasaqartoqarneratigut aqutsisoqarfiup sullissiviani misissorneqarsinnaapput. Imm. 2. Suliffeqarfiit pillugit nalunaarsuiffimmi paasissutissat naqitanngortinneri aamma assilisat imaluunniit allagaatit tamanit pissarsiarineqarsinnaasut mikrofilmii, Erhvervsstyrelsimut saaffiginninnikkut pissarsiarineqarsinnaapput. Imm. 3. Erhvervsstyrelsi aalajangiisinnaavoq assilisat imaluunniit mikrofilmit aamma nammineq kiffartuunnikkut aqutsisoqarfimmi assiliissutit atorlugit assilineqarsinnaapput. Imm. 4. Erhvervsstyrelsi aalajangiisinnaavoq ingerlatseqatigiiffiit amerlanerusut pillugit paasissutissat tamarmik imaluunniit aalajangersimasut tamanit pissarsiarineqarsinnaasut immikkut isumaqatigiissuteqareernikkut imaluunniit aqutsisoqarfiup nalinginnaasumik aalajangersagai naapertorlugit maskinatigut pissarsiarineqarsinnaasut. Imm. 5. Paasissutissat imm. 1-4-imi ilaasut eqqarsaatigalugit, aamma data.virk.dk-p atorneqarneranut ilanngussaq 2-mi akigititat malillugit akiliutissamik akileeqqusisoqassaaq. Kingornatigut akileeqqusisoqassaaq, taamaattorli tak. imm. 6, oqaaseqatigiit aappaat. Taamaaqataanik 10, imm. 3 aamma 4 atorneqarput. Imm. 6. Kinaluunniit isumaqatigiissummi aalajangersarneqartut piumasaqaatit atorlugit Erhvervsstyrelsimit isumaqatigiissuteqareernikkut data.virk.dk-mi paasissutissanut allagaatinullu isersinnaavoq, tak. imm. 5. Erhvervsstyrelsi aalajangersaasinnaavoq data.virk.dk-mi paasissutissanut allagaatinullu atuisut isersinnaanerannut elektroniskimik akiliutit atorlugit akiliuteqarnissamik tunngaveqassasoq. Kapitali 3 Ingerlatseqatigiiffiit aningaasaliiffiusut aamma ingerlatseqatigiiffinnut suliffeqarfinnillu allanik, Finanstilsynit nakkutigineqartunik, imaluunniit Finanstilsynimiit akuersissuteqarnikkut taamaallaat ingerlataqarsinnaasunik nalunaarsuineq Pilersitsineq 15. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi ingerlatseqatigiiffimmik aningaasaliiffiusumik pilersitsinermik nalunaarsuinermi ikinnerpaamik uku allanneqassapput: 1) Ingerlatseqatigiiffiup aqqa saniatigullu taaguutaa. 2) Ingerlatseqatigiiffiup suliaqarfia saniatigullu suliaqarfigisinnaasai. 3) Ingerlatseqatigiiffiup najugaa kommunilu najugaa. 4) Ingerlatseqatigiiffiup ulloq pilersinneqarfia siunertaalu. 5) Ingerlatseqatigiiffiup ukioq naatsorsuusiorfia aamma piffissaq naatsorsuusiorfia siulleq. 6) Ingerlatseqatigiiffiup aningaasaliiffiusup angissusaa akiliisariaatsialu, aningaasaliissutaasut annertussusaat, ingerlatseqatigiiffimmi aningaasaliissutit ilaannai imaluunniit sinnerlugu naleqartumik akilerneqarsimappata, tak. ingerlatseqatigiiffik pillugu inatsimmi, kunngip peqqussutaatigut Kalaallit Nunaannut atulersinneqarsimasumi 40, imm. 2, aamma sinnerlugu nalip aningaasap annertussusaa. 7) Pilersitsisut, siulersuisuni ilaasortat, pisortat, nakkutilliisuni ilaasortat taakkununngalu sinniisut aqqi tamarmik, ingerlatseqatigiiffimmi sulerineri, CPR-normui, taamaattorli tak. 16, imm. 5, imaluunniit CVR-normui najugaallu. Pilersitsisoq nunami allami ingerlatseqatigiiffiuppat ilisimatitsissutigineqassaaq ingerlatseqatigiiffinnik nalunaarsuiffimmi sorlermi ingerlatseqatigiiffik nalunaarsorneqarsimanersoq aamma nalunaarsorneqarnerani normua. 8) Ingerlatseqatigiiffik ukiumut naatsorsuutit pillugit inatsit malillugu kukkunersiuinissamut pisussaaffeqartumut ilaappat, imaluunniit ingerlatseqatigiiffiup nammineq kajumissutsiminik ukiumut naatsorsuutini kukkunersiortinnissai toqqarsimappagu kukkunersiuisup aqqi tamarmik, CPR-normua, taamaattorli tak. 16, imm. 5, imaluunniit CVR-normua. 9) Peqatigisaqarluni ingerlatseqatigiiffiit eqqarsaatigalugit peqataasut tamakkiisumik akisussaasut aqqi tamarmiusut, ingerlatseqatigiiffimmi sulerineri, CPR-normui, taamaattorli tak. 16, imm. 5, imaluunniit CVR-normui, najugaa aamma peqataasut ataasiakkaat aningaasaliissutaasa annertussusaat. Imm. 2. Imm. 1 pisariaqartutigut naleqqussarluni ingerlatseqatigiiffinnik suliffeqarfinnillu allanik, Finanstilsynit nakkutigineqartunik, imaluunniit Finanstilsynimiit akuersissuteqarnikkut taamaallaat ingerlataqarsinnaasunik pilersitsisunik nalunaarsuinermi taamaaqataanik atorneqassaaq. 16. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinermi makku ilaatinneqassapput: 1) Pilersitsinermi allagartaq, tassunga ilanngullugu ingerlatseqatigiiffiup malittarisassai, aamma pilersitsinermut atatillugu pilersinneqartut allagaatit allat. 2) Ingerlatseqatigiiffimmi aningaasaliissutinik akiliinermut uppernarsaat, tak. imm. 2 aamma 3.
3) Peqatigisaqarluni ingerlatseqatigiiffiit eqqarsaatigalugit tamakkiisumik akisussaat peqataasut aqqi tamarmiusut, ingerlatseqatigiiiffimmi sulerineri, najugaat aningaasaliissutigisimasaalu pillugit paasissutissat. Imm. 2. Ingerlatseqatigiiffimmi aningaasaliissutinik aningaasanik akiliuteqarnermut uppernarsaatitut, taamaattorli tak. imm. 3, uku atorneqarsinnaapput: 1) Aningaaserivimmit takussutissat, aningaasaatit sinneqartumillu nalit ingerlatseqatigiiffiup aningaasaliiffiusup pilersinneqalersup kontoanut ikineqarsimanerannik takutitsisoq. Netbankikkut naqitanngortitaq naammattumik uppernarsaatitut atorneqarsinnaanngilaq. 2) Eqqartuussissuserisup sullitaminut kontoani naqitanngortitaq, tassani takuneqarsinnaalluni aningaasaatit ingerlatseqatigiiffimmut aningaasaliiffiusumut pilersinneqalersumut pineqartumut eqqartuussisusserisup naatsorsuutaani aningaasaatit allanneqarsimasut. 3) Aningaasaatit eqartuussissuserisup aningaaserivimmi kontoanut imaluunniit ingerlatseqatigiiffimmut aningaasaliiffiusumut atasumik sullitap kontoanut ikineqarsimaneri pillugit eqqartuussissuserisumit nalunaarut. 4) Aningaasaatit ingerlatseqatigiiffimmut atasumut aningaaserivimmi kontomut ikineqarsimaneri imaluunniit aningaasatut uninngasuutitut pigineqarneri pillugit naalagaaffimmit akuerisaasumik imaluunnit nalunaarsugaasumit kukkunersiuisumit nalunaarut. Imm. 3. Ingerlatseqatigiiffiit aallarnisaasut, 25.000 kr.-inik annikinnerusunilluunniit ingerlatseqatigiiffik aningaasaateqartillugu pilersinneqartut, ingerlatseqatigiiffimmi aningaasaliissutinik aningaasanngorlugit akiliinermut uppernarsaatitut aningaasaatit pigineqarneri pillugit pilersitsisuniit nalunaarut ilanngunneqarsinnaavoq. Imm. 4. Aningaasaanngitsunik nalilinnik allanik ingerlatseqatigiiffimmi aningaasaliissutinik akiliinermi ammaanermi oqimaaqatigiissitsinermik imaqartoq nalilersuinermi nalunaarut, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 36, imaluunniit ammaanermi oqimaaqatigiissitsinermik imaqartoq aqutsisut nalunaarutaat, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 38, imm. 3, ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinermut atatinneqassaaq. Imm. 5. Inuit, danskit CPR-normoqanngitsut eqqarsaatigalugit, tak. 15, imm. 1, nr. 7 aamma 8, nalunaarsuinermut atatillugu passip normua imaluunniit nunamut Schengenimut ilaasumut isilernermi atorneqarsinnaasoq kinaassutsimut allagartami normu allanneqassaaq, kiisalu najugaq, ulloq inuuffik aamma inunngornermi naalagaaffik innuttaaffiusoq pillugu paasissutissat. Passip imaluunniit nunamut Schengenimut ilaasumut isilernermi atorneqarsinnaasoq nunami kinaassutsimut allagartap assilinera nalunaarsuinermut ilanngunneqassaaq. Aammattaaq pineqartup suiaassusaa allanneqassaaq. Imm. 6. Nunamit allameersoq ingerlatseqatigiiffik pilersitsisuuppat nunami najugarisami ingerlatseqatigiiffiup nalunaarsugaaneranut uppernarsaat ilanngunneqarsinnaavoq. Imm. 7. Imm. 1-2 aamma 4-5 pisariaqartutigut naleqqussarluni ingerlatseqatigiiffinnik suliffeqarfinnillu allanik, Finanstilsynit nakkutigineqartunik, imaluunniit Finanstilsynimiit akuersissuteqarnikkut taamaallaat ingerlataqarsinnaasunik pilersitsisunik nalunaarsuinermi taamaaqataanik atorneqassapput. Nunami allameersup ingerlatseqatigiiffiup aningaasalliffiusup immikkoortortaanik pilersitsineq 17. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nunami allameersup ingerlatseqatigiiffiup aningaasaliiffiusup immikkoortortaanik pilersitsinermik nalunaarsuinermi minnerpaamik uku allanneqassapput: 1) Nunamit allameersup ingerlatseqatigiiffiup aqqa, inatsisitigut ilusaa najugaalu, ingerlatseqatigiiffiup nunaani nalunaarsugaanera aamma nalunaarsornerani normua, ingerlatseqatigiiffiup siunertaa, aningaasaatit akilerneqarsimasut aamma ukioq naatsorsuusiorfiusoq. 2) Immikkoortortaq aqqa, najugaa siunertaalu. 3) Ingerlatseqatigiiffiup suliaqarfia saniatigullu suliaqarfii. 4) Nunami allameersumi ingerlatseqatigiiffimmi atsiorsinnaatitaasut aamma immikkoortortami aqutsisut aqqi tamarmiusut, CPR-normui, taamaattorli tak. imm. 3, aamma najugaat. Imm. 2. Nalunaarsuinermut uku ilaatinneqassapput: 1) Nunami allameersup ingerlatseqatigiiffiup nunagisamini inatsisit naapertorlugit ingerlaneranut pisortatigoortumik uppernarsaat, sivisunerpaamik qaammatinik pingasunik pisoqaassuseqarsinnaasoq. 2) Nunami allameersup ingerlatseqatigiiffiup pilersinneqarneranut allagartaq malittarisassallu. 3) Immikkoortortami aqutsisunut piginnaatitsissut. 4) Immikkoortortap pilersinneqarnera nunani tamalaani isumaqatigiissummik tunngaveqarneranik uppernarsaat, imaluunniit inuussutissarsiornermut ministerip tamatuminnga akuersaarsimanera imaluunniit akuersissuteqarsimanera. Imm. 3. Immikkoortortami aqutsisut, tak. imm. 1, nr. 4, danskit CPR-normoqanngitsut eqqarsaatigalugit 16, imm. 5 taamaaqataanik atorneqassaaq. Pissutsit nalunaarsorneqarsimasut allanngortinneri 18. Malittarisassat allanngortinneqarpata, imaluunniit pissutsit nalunaarsugaasimasut allanngorpata, allannguinernik nalunaarsuineq taakku akuerineqarnerisa kingorna kingusinnerpaamik sapaatit akunneri tallimat qaangiutsinnagit Erhvervsstyrelsimi isumagineqarsimassapput, inatsini allamik aalajangersaasoqarsimanngippat. Imm. 2. Ukiup naatsorsuusiorfiup allanngortinneranik nalunaarsuineq ukiup naatsorsuusiorfiusup allanngortinneqarusuttup naaneraniit kingusinnerpaamik qaammatit tallimat sapaatillu akunneri pingasut qaangiutsinnagit aqutsisoqarfimmi tiguneqarsimassaaq, taamaattorli piffissap allanngortiteriffiusup naanerata kingorna kingusinnerpaamik qaammatit tallimat sapaatillu
akunneri pingasut qaangiutsinnagit. Naalagaaffiup aktieselskabii aamma ingerlatseqatigiiffiit aningaasaliiffiusut Kalaallit Nunaanni, nunami EU-mi imaluunniit EØS-imi niuerfimmi naleqqussakkami pappiaranik aningaasanik nalilinnik niueruteqartunut piffissaliussaq taamaattoq tassaavoq qaammatit sisamat sapaatillu akunneri pingasut. Oqaaseqatigiinni siullerni aappaanniluunniit piffissaliussap naanerata kingorna nalunaarummik tigusaqarnermi nalunaarsuinissaq itigartinneqassaaq, tak. ukiumut naatsorsuutit pillugit inatsimmi, kunngip peqqussutitaatigut Kalaallit Nunaannut atulersinneqarsimasumi 15, imm. 4. Imm. 3. Aningaasaanngitsunik nalilinnik allanik aningaasaatit qaffanneqarnerini 16, imm. 4 taamaaqataanik atorneqassaaq. Imm. 4. Aningaasaanngitsunik allanik nalilinnik agguagarsinermi aningaasaatit appartinneranni aningaasaleeqataasimasunut akiliinermi ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuinermi aqutsisut nalunaarutaat ilaatinneqassaaq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 190, imm. 2. Imm. 5. Aningaasaatit appartinnerisa aningaasaleeqataasimasunut akilerneqarnissaat imaluunniit immikkut sillimmatinut immikkoortinneqarnissaat pillugu aalajangiinermi malittarisassat, nalunaarsuinermut ilaatinneqartut, tak. imm. 7, aningaasaatit appartinneqarnerisa kingorna ingerlatseqatigiiffimmi aningaasaliissutit annertussusaat pillugu paasissutissanik imaqassaaq. Aningaasaatit appartinneqarnerat naammassineqanngippat tamanna nalunaarsorneqassaaq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 193, imm. 2, aamma malittarisassat, nalunaarsuinermut tassunga ilaatinneqartut, tak. imm. 7, ingerlatseqatigiiffimmi aningaasaliissutit annertussusaat pillugu paasissutissanik imaqassapput. Imm. 6. Ingerlatseqatigiiffik aningaasaliiffiusoq, ilaannakuusumik akilerneqarsimasumik aningaasaateqartutut nalunaarsorsimasoq, aningaasaatinik pisassarisanik peqarunnaarpat tamanna pillugu Erhvervsstyrelsimut nalunaaruteqartoqassaaq. Imm. 7. Nalunaarsuinermut ilaassaaq allanngortitsinerup inatsisit naapertorlugit akuerineqarneranut uppernarsaat. Malittarisassanik allannguinerni tamani malittarisassat nutarterneqarsimasut oqaasertai nutaat tamarmiutillugit ilaasut ilaassapput. Imm. 8. Aqutsisut imaluunniit kukkunersiuisoq allanngortinneqarpat, imaluunniit peqatigisaqarluni ingerlatseqatigiiffinni tamakkiisumik akisussaasut peqataasut allanngorpata 15, imm. 1, nr. 6-8 aamma 16, imm. 5 taamaaqataanik atorneqassapput. Imm. 9. Kalaallit Nunaanni imaluunniit Danmarkimi inuit nalunaarsorsimaffianni najugaqartut danskit CPR-normoqartut inuit najugaat allanngorpat Erhvervsstyrelsimut nalunaaruteqassanngilaq. Imm. 10. Imm. 1-5 aamma 7-9 pisariaqartutigut naleqqussarluni ingerlatseqatigiiffinnik suliffeqarfinnillu allanik, Finanstilsynit nakkutigineqartunik, imaluunniit Finanstilsynimiit akuersissuteqarnikkut taamaallaat ingerlataqarsinnaasunik malittarisassanik allannguineq pillugu nalunaarsuinermi imaluunniit pissutsit nalunaarsorneqarsimasut allanngortinneri taamaaqataanik atorneqassapput. Sulianik unitsitsineq 19. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi sulianik unitsitisineq pillugu ingerlatseqatigiiffiup aningaasaliiffiusup aalajangiineranik nalunaarsuineq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 220, tamanna pillugu ataatsimeersuarnerup aalajangiinerata kingorna kingusinnerpaamik sapaatit akunneri tallimat qaangiutsinnagit pissaaq. Nalunaarsuinermut imaluunniit nalunaaruteqarnermut ilaassaaq aalajangiinerup inatsisinut naapertuuttumik akuersissutigineqarsimaneranut uppernarsaat (allattaavinnit naqitaq). 20. Ingerlatseqatigiiffimmik aningaasaliiffiusumik inaarutaasumik unitsitsinerup nalunaarsorneqarnera ingerlatseqatigiiffiup inaarutaasumik uniutsinneqarnera pillugu aalajangiinerup kingorna kingusinnerpaamik sapaatit akunneri tallimat qaangiutsinnagit pissaaq. Nalunaarsuinermut imaluunniit nalunaaruteqarnermut uku ilaatinneqassapput: 1) Aalajangiinerup inatsisit naapertorlugit akuersissutigineqarsimaneranut uppernarsaat (allattaavinit naqitaq). 2) Inaarutaasumik unitsitsinermi naatsorsuutit kiisalu ukioq naatsorsuusiorfiusoq naggataajusoq pillugu ukiumut nalunaarusiaq. Aallarteqqinneq il.il. 21. Ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi pinngitsaaliikkut atorunnaarsinneqartup ingerlatseqatigiiffiup aningaasaliiffiusup aallarteqqinnerani imaluunniit nalunaarutigineqarnerani, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 232, ikinnerpaamik uku allanneqarsimassapput: 1) Siulersuisunut ilaasortat, pisortat, nakkutilliinermi ilaasortat taakkununngalu sinniisut aqqi tamarmiusut, ingerlatseqatigiiffimmi sulerineri, CPR-normui, taamaattorli tak. imm. 3, aamma najugai. 2) Ingerlatseqatigiiffik ukiumut naatsorsuutit pillugit inatsit, kunngip peqqussutaatigut Kalaallit Nunaannut atulersinneqartoq malillugu kukkunersiuinissamut pisussaaffeqartumut ilaappat, imaluunniit ingerlatseqatigiiffiup nammineq kajumissutsiminik ukiumut naatsorsuutini kukkunersiortinnissai toqqarsimappagu kukkunersiuisup aqqi tamarmik, CPR-normua, taamaattorli tak. imm. 3, imaluunniit CVR-normua. Imm. 2. Nalunaarsuinermut nalunaaruteqarnermulluunniit ilaassapput: 1) Aalajangiinerup inatsisinut naapertuuttumik akuerineqarneranut uppernarsaat. 2) Malittarisassat nutaat nutarterneqarsimasullu, aallarteqqinnissamut aalajangiinermut atatillugu malittarisassat allanngortinneqarsimappata.
3) Ingerlatseqatigiiffiup aallarteqqinnissaa pillugu aalajangiinermut piffissami aningaasaatit pigineqarneri aamma inatsimmi 210, imm. 1-imut akerliusumut ingerlatseqatigiiffimmi peqataasunut taarsigassarsisitsisoqarsimannginnera pillugu naliliisartumiit nalunaarusiaq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 37. 4) Ukiumut nalunaarusiaq amigaataasoq, piffissaq nalunaaruteqarfiusoq imaluunniit nalunaarsuiffiusoq sioqqullugu nassiunneqarsimasussaagaluartoq. 5) Pigisanik agguaassinermut eqqartuussivimmit toqqarneqartumik unitsitsinermik isumaginnittup aallarteqqinnermut akuersisimaneranut uppernarsaat. Imm. 3. Inuit, tak. imm. 1, danskit CPR-normuannik peqanngitsut eqqarsaatigalugit 16, imm. 5 taamaaqataanik atorneqassaaq. 22. Erhvervsstyrelsip qarasaasiaqarfianit peerneqarsimasumik nunanit allaneersup ingerlatseqatigiiffiup aningaasaliiffiusup immikkoortortaanik nalunaarsueqqinnissamik nalunaaruteqarnermi, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 350, pissutsit peerneqarnermut kinguneqartitsisuusut atuukkunnaarnerinut uppernarsaat ilanngunneqassaaq. Ukiumut nalunaarusiap nassiutinngitsoornerata malitsigisaanik, tak. inatsimmi 350, im. 1, nr. 3, immikkoortortaq peerneqarsimappat piffissamut pineqartumut ukiumut nalunaarusiat nalunaarutigineqassapput. Naalagaaffiup aktieselskabii aamma ingerlatseqatigiiffiit niuerfimmi naleqqussakkami pappiaranik aningaasanik nalilinnik niueruteqartut 23. Aktieselskabit, naalagaaffiit aktieselskabii pillugit malittarisassanut ilaalernermi, aamma malittarisassanut taakkununnga ilaajunnaarnermi Erhvervsstyrelsimut nalunaaruteqarnissamut pisussaaffeqarput. Imm. 2. Ingerlatseqatigiiffiit aningaasaliiffiusut aningaasaatini piginneqataassutit, akiitsut imaluunniit pappiarat aningaasanik nalillit allat Kalaallit Nunaannut, nunami EU-mi imaluunniit EØS-imi niuerfimmi naleqqussakkami niueruteqarunnaarpata Erhvervsstyrelsimut nalunaaruteqarnissamut pisussaaffeqarput. Nunami kattunneq 24. Kattunnerup naammassineqarnera pillugu aalajangiineq ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsorneqassaaq. Imm. 2. Nalunaarsuinermut ilaatinneqassapput: 1) Aalajangiinerup inatsisinut naapertuuttumik akuerineqarneranut uppernarsaat (allattaavinnit naqitanngortitaq). 2) Kattunnerup malitsigisaanik ingerlatseqatigiiffimmut ingerlaqqittumut malittarisassat allanngortinneqarsimappata malittarisassat nutaat nutaamik oqaasertai tamarmiusut. 3) Kattunnermut atasumik ingerlatseqatigiiffinnut nutaanut malittarisassat nutarterneqarsimasut. 4) Uppernarsaatit uku aamma ilanngunneqassapput, allagaatit suliarineqassanngippata, imaluunniit kattunnissamut pilersaarummut ilaatillugit nassiunneqarsimanngippata, imaluunniit kattunnnissamut pilersaarusiortoqannginnissaa nalunaarutigineqarsimappat: a) Kattunnissaq pillugu nassuiaat, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 238. b) Pisut akornanni oqimaaqatigiissitsineq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 239. c) Nalilersuinermik nassuiaat, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 240. d) Kattunnissaq eqqarsaatigineqartoq pillugu naliliisartup oqaaseqaataa, tassunga ilanngullugu kattunnissamut pilersaarut, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 241. e) Akiligassaqarfiit inissisimanerat pillugu naliliisartumit nalunaarut, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 242. Nunami aggautaarineq 25. Agguataarinerup naammassineqarnera pillugu aalajangiineq ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsorneqassaaq. Imm. 2. Nalunaarsuinermut ilaassapput: 1) Aalajangiinerup inatsisinut naapertuuttumik akuerineqarneranut uppernarsaat (allattaavinnit naqitanngortitaq). 2) Agguataarinerup malitsigisaanik ingerlatseqatigiiffimmut ingerlaqqittumut malittarisassat allanngortinneqarsimappata malittarisassat nutaat nutaamik oqaasertai tamarmiusut. 3) Agguataarinermut atasumik ingerlatseqatigiiffinnut nutaanut malittarisassat nutarterneqarsimasut. 4) Uppernarsaat uku aamma ilanngunneqassapput, allagaatit suliarineqassanngippata, imaluunniit agguataariissamut pilersaarummut ilaatillugit nassiunneqarsimanngippata, imaluunniit agguataarinissamut pilersaarusiortoqannginnissaa nalunaarutigineqarsimappat: a) Agguataarinissaq pillugu nassuiaat, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 256. b) Pisut akornanni oqimaaqatigiissitsineq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 257.
c) Nalilersuinermik nassuiaat, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 258. d) Agguataarinissaq eqqarsaatigineqartoq pillugu naliliisartup oqaaseqaataa, tassunga ilanngullugu agguataarinissamut pilersaarut, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 259. Kapitali 4 Inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqartumut ilaasunik suliffeqarfinnik nalunaarsuineq Pilersitsineq 26. Inuussutissarsiutigalugu suliffeqarfinnik killeqartumik akisussaaffeqartunik pilersitsinernik ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsuineq, tak. inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqartumi 3 aamma 4, ikinnerpaamik uku allanneqassapput: 1) Suliffeqarfiup aqqa saniatigullu taaguutaa. 2) Suliffeqarfiup suliaqarfia saniatigullu suliaqarfiusinnaasut. 3) Suliffeqarfiup najugaa kommunilu najugaqarfia. 4) Suliffeqarfiup ulloq pilersinneqarfia, siunertaq kingullermillu ulloq malittarisassaliorfik. 5) Suliffeqarfiup ukioq naatsorsuusiorfia piffissarlu naatsorsuusiorfiusoq siulleq. 6) Siulersuisuni pisortaaneqarfimmilu imaluunniit taamaaqataanik aqutsisuni oqartussani ilaasortat aqqi tamarmiusut, ingerlatseqatigiiffimmi sulerineri, CPR-normui, taamaattorli tak. imm. 4, najugaallu. 7) Suliffeqarfimmi kina atsiorsinnaatitaanersoq. 8) Suliffeqarfimmi ikinnerpaamik peqataasut marluunerinut uppernarsaat. Imm. 2. Suliffeqarfik ukiumut naatsorsuutit pillugit inatsit, kunngip peqqussutaatigut Kalaallit Nunaannut atulersinneqarsimasoq malillugu kukkunersiornissamut pisussaaffeqartunut ilaappat kukkunersiuisup aqqi tamarmik, CPR-normu, taamaattorli tak. imm. 4, imaluunniit CVR-normua najugaalu pillugit paasissutissat tunniunneqassapput. Imm. 3. Nalunaarsuinermut ilaatinneqassapput suliffeqarfiup malittarisassai atuuttut taakkulu inatsisit naapertorlugit akuerineqarsimanerinut uppernarsaat (pilersitsinermut allagartaq assigisaaluunniit). Imm. 4. Inuit, tak. imm. 1, nr. 6, aamma imm. 2, danskit CPR-normoqanngitsut eqqarsaatigalugit 16, imm. 5 taamaaqataanik atorneqassapput. 27. Soqutigisaqaqatigiiffimmi imaluunniit kommanditselskabimik, inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqartumi 2, imm. 3, oqaaseqatigiit aappaannut ilaasunik pilersitsinermik nalunaarsuineq, nalunaarummi matumani 26, imm. 1-imi eqqaaneqartut paasissutissat saniatigut, aamma uku allanneqassapput: 1) Suliffeqarfimmi akisussaallutik peqataasut aqqi, najugaat aamma CVR-normui. 2) Suliffeqarfiup kukkunersiuisuata aqqi tamarmik, CPR-normua, taamaattorli tak. imm. 3, imaluunniit CVR-normua najugaalu. Imm. 2. Nalunaarsuinermut ilaatinneqassapput 26, imm. 3-imi taaneqartut allagaatit. Imm. 3. Inuit, tak. imm. 1, nr. 2, danskit CPR-normoqanngitsut eqqarsaatigalugit 16, imm. 5 taamaaqataanik atorneqassapput. Nunami allameersup suliffeqarfiup immikkoortortaanik pilersitsineq 28. Killeqartumik akisussaaffeqartumik nunami allameersup suliffeqarfiup immikkoortortaanik pilersitsinerup nalunaarsorneqarnera imaluunniit nalunaarutigineqarnera, tak. inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqartumi 8, imm. 2, ikinnerpaamik uku allanneqassapput: 1) Nunami allameersup suliffeqarfip aqqa, inatsisitigut ilusaa, najugaa nunagisaalu, nunagisaanilu suliffeqarfiit pillugit nalunaarsugaanera nalunaarsugaaneranilu normu, suliffeqarfiup siunertaa ukiorlu naatsorsuusiorfiusoq. 2) Immikkoortortaq aqq, najugaa siunertaalu. 3) Ingerlatseqatigiiffiup suliaqarfia saniatigullu suliaqarfigisinnaasaa. 4) Nunami allameersumi ingerlatseqatigiiffimmi atsiorsinnaatitaasut aamma immikkoortortami aqutsisut aqqi tamarmiusut, CPR-normui, taamaattorli tak. imm. 3, najugaallu. Imm. 2. Nalunaarsuinermi nalunaaruteqarnermulluunniit ilaassapput: 1) Nunami allameersup suliffeqarfiup nunagisaani inatsisit naapertorlugit atuunneranut pisortatigoortumik uppernarsaat. 2) Immikkoortortami aqutsisup piginnaatitaanera. 3) Nunami maani inatsisitigut pissutsit pilersinneqartuni suliffeqarfimmiittut tamarmik danskit inatsisaannik danskillu eqqartuussiviini aalajangiinernik malinninnissamut pisussaaffeqarneq pillugu suliffeqarfimmit nalunaarut. 4) Kalaallit Nunaata, nunami EU-p aamma EØS-ip avataani nunagisaqartut suliffeqarfiit eqqarsaatigalugit suliffeqarfiup pineqartup nunagisaanit pisortatigoortumik uppernarsaat ilanngunneqassaaq, tassani uppernarsarneqarluni danskit suliffeqarfiat immikkoortortap nalunaarutiugineqartup assigisaanik siunertaqartoq immikkoortortaq aqqutigalugu nunami pineqartumik suliffeqarfimmik ingerlatsisinnaanera. Imm. 3. Immikkoortortami aqutsisut eqqarsaatigalugit, tak. imm. 1, nr. 4, dansktit CPR-normoqanngitsut, 16, imm. 5,
taamaaqataanik atorneqassaaq. Pissutsini nalunaarsugaasuni allannguinerit 29. Malittarisassat allanngortinneqarpata, imaluunniit pissutsit nalunaarsugaasimasut allanngorpata, allannguinernik nalunaarsuineq taakku akuerineqarnerisa kingorna kingusinnerpaamik sapaatit akunneri arfineq marluk qaangiutsinnagit ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi isumagineqarsimassapput, inatsini allamik aalajangersaasoqarsimanngippat. Ukioq naatsorsuusiorfiusoq allanngortinneqarpat 18, imm. 2 taamaaqataanik atorneqassaaq. Allannguinerilli uku imminut kiffartuussivimmi isumagineqassanngillat taamaattumillu Erhvervsstyrelsimut nalunaarutigineqassallutik: 1) Killeqartumik akisussaaffeqartumit suliffeqarfimmiit suliffeqarfimmut allamut inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumut ikaarsaarneq. 2) Kommanditselskabimiit inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumiit kommanditselskabimut, allamut inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaanngitsumut ikaarsaaneq. 3) Soqutigisaqatigiiffimmiit inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumiit, allamut inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaanngitsumut ikaarsaaneq. 4) Kommanditselskabimiit inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaanngitsumiit kommanditselskabimut, allamut inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumut ikaarsaaneq. 5) Soqutigisaqatigiiffimmiit inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaanngitsumiit, allamut inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumut ikaarsaaneq. 6) Inuussutissarsiutigalugu peqatigiiffimmiit inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumiit inuussutissarsiutiginagu peqatigiiffimmut ikaarsaarneq. 7) Inuussutissarsiutiginagu peqatigiiffimmiit inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumut inuussutissarsiutigalugu peqatigiiffimmut ikaarsaarneq. 8) Killeqartumik akisussaassuseqartup andelsselskabip aktieselskabimut allanngortinnera, ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqarsimasumi 325. 9) Inuussutissarsiutigalugu andelsselskabimiit, inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsimasumut ilaasumiit, inuussutissarsiutiginagu andelsselskabimut ikaarsaaneq. 10) Inuussutissarsiutiginagu andelsselskabimiit Inuussutissarsiutigalugu andelsselskabimiit, inuussutissarsiutigalugu suliffeqarfiit aalajangersimasut pillugit inatsimmut, kunngip peqqussutaatigut Kalaallit Nunaannut atulersinneqarsima-sumut ilaasumut ikaarsaarneq. Imm. 2. Nalunaarsuinermut nalunaaruteqarnermulluunniit ilaassaaq allanngortitsinerup inatsisit naapertorlugit akuerineqarneranut uppernarsaat (allattaavinnit naqitanngortitaq assigisaaluunniit). Malittarisassanik allannguinerni tamani malittarisassat nutarterneqarsimasut oqaasertai nutaat tamarmiutillugit ilaasut nalunaarutigineqassapput. Imm. 3. Kalaallit Nunaanni imaluunniit Danmarkimi inuit nalunaarsorsimaffianni najugaqartut danskit CPR-normoqartut inuit najugaat allanngorpat Erhvervsstyrelsimut nalunaaruteqassanngilaq. Sulianik unitsitsineq 30. Suliffeqarfimmik killeqartumik akisussaaffeqartup sulianik unitsitsinera pillugu aalajangiinermik nalunaarsuineq, tak. ingerlatseqatigiiffiit pillugit inatsimmi, kunngip peqqussutaatigut Kalaallit Nunaannut atulersinneqartumi 220, tak. inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqarsimasumi 20, tamanna pillugu ataatsimeersuarnerup aalajangiinerata kingorna kingusinnerpaamik sapaatit akunneri arfineq marluk qaangiutsinnagit Erhvervsstyrelsimut nalunaarutigineqassaaq. Nalunaarsuinermut imaluunniit nalunaaruteqarnermut ilaassaaq aalajangiinerup inatsisinut naapertuuttumik akuersissutigineqarsimaneranut uppernarsaat (allattaavinnit naqitaq). 31. Suliffeqarfimmik killeqartumik akisussaaffeqartumik inaarutaasumik unitsitsinerup nalunaarsorneqarnera ingerlatseqatigiiffiup inaarutaasumik unitsitsinera pillugu aalajangiinerup kingorna kingusinnerpaamik sapaatit akunneri arfineq marluk qaangiutsinnagit pissaaq. Nalunaarsuinermut imaluunniit nalunaaruteqarnermut uku ilaatinneqassapput: 1) Aalajangiinerup inatsisit naapertorlugit akuersissutigineqarsimaneranut uppernarsaat (allattaavinit naqitaq). 2) Inaarutaasumik unitsitsinermi naatsorsuutit kiisalu ukioq naatsorsuusiorfiusoq naggataajusoq pillugu ukiumut nalunaarusiaq.
Aallarteqqinneq il.il. 32. Inuussutissarsiutigalugu suliffeqarfiup killeqartumik akisussaaffeqartup aallarteqqinnissaa pillugu Erhvervsstyrelsimut nalunaarsuinermut nalunaaruteqarnermulluunniit ilanngussatut, tak. inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqarsimasumi 3 aamma 4, uku ilanngunneqassapput: 1) Allannguinerup inatsisinut naapertuuttumik akuerineqarneranut uppernarsaat (allattaavinnit naqitanngortitaq). 2) Aallarteqqinnissamut aalajangiinermut atatillugu malittarisassani allannguisoqarsimappat malittarisassat nutaat nutarterneqarsimasullu. 3) Ukiumut nalunaarusiaq amigataasoq imaluunniit ilaatitsinnginnermik nalunaarut nalunaaruteqarnermi piffissaq sioqqullugu nassiunneqarsimasussaagaluartoq. 4) Pigisanik agguaassinermik eqqartuussivimmit toqqarneqartup unitsitsinermik isumaginnittup aallarteqqinnissamut akuersisimaneranut uppernarsaat. Imm. 2. Suliffeqarfik ilaatitsinnginnissamik nalunaarummik nassiussisimappat Erhvervsstyrelsimit piumasarineqarsinnaavoq suliffeqarfiup akiliisinnaanera pillugu naalagaaffiup akuerisaanik imaluunniit nalunaarsugaasup kukkunersiuisup suliarisimasaa nalunaarut nassiunneqassaaq. 33. Soqutigisaqatigiiffimmik imaluunniit kommandiselskabimik inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqarsimasumi 10, imm. 7-imut ilaasumik nalunaarsuineq imaluunniit nalunaaruteqarneq nalunaarummi matumani 26, imm. 1-imi paasissutissat taaneqartut saniatigut uku aamma allanneqassapput: 1) Suliffeqarfimmi peqataasut akisussaasut aqqi, najugaat aamma CPR/CVR-normui. 2) Suliffeqarfimmi aqutsisuni ilaasortat aqqi, CPR-normui, taamaattorli tak. imm. 2, aamma najugaat. 3) Ukiumut nalunaarusiamik imaluunniit ilaatitsinnginnermik nalunaarummik nassiussisimannginnerup malitsigisaanik ingerlatseqatigiiffik peerneqarsimappat, tak. inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqarsimasumi 10, imm. 6, nr. 3, piffissamut amigaataasumut ukiumut nalunaarusiat imaluunniit ilaatitsinnginnermik nalunaarutit nassiunneqassapput. 4) Ingerlatseqatigiiffik piffissami ingerlatseqatigiiffinnik aningaasaliiffiusunik akisussaasimasumik peqataasoqarsimappat, tamannali nalunaarutigineqarsimanani, tamanna pillugu paasissutissat piffissamut amigaataasumut nalunaarutigineqassapput. Imm. 2. Inuit, tak. imm. 1, nr. 2, danskit CPR-normoqanngitsut eqqarsaatigalugit 16, imm. 5 taamaaqataanik atorneqassaaq. Suliffeqarfiit niuerfimmi naleqqussakkami pappiaranik aningaasanik nalilinnik niueruteqarsimasut 34. Suliffeqarfik inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqarsimasumi 2, imm. 3, oqaaseqatigiit pingajuannut, 3 imaluunniit 4-imut ilaasoq, aningaasaliissutini piginneqataassutit, akiitsuni sakkut imaluunniit pappiarat aningaasanik nalillit allat Kalaallit Nunaanni, nunami EU-mi imaluunniit EØS-imi niuerfimmi naleqqussakkami niuerutigineqartunut ilaajunnaarpata, Erhvervsstyrelsimut nalunaaruteqarnissamut pisussaaffeqarpoq. Kapitali 5 Inuussutissarsiutigalugu aningaasaateqarfinnik nalunaarsuineq Pilersitsineq il.il. 35. Inuussutissarsiutigalugu aningaasaateqarfimmik pilersitsinerup ingerlatseqatigiiffiit il.il. pillugit Erhvervsstyrelsip nammineq kiffartuussiviani www.virk.dk-mi nalunaarsorneqarnerani aamma aningaasaateqarfiup inuussutissarsiortunngorneranik nalunaarsuinermi, tak. inuussutissarsiutigalugu suliffeqarfiit aalajangersimasut pillugit inatsimmi, kunngip peqqussutaatigut Kalaallit Nunaannut atulersinneqarsimasumi 124, ikinnerpaamik uku allanneqassapput: 1) Aningaasaateqarfiup aqqa saniatigullu taaguutaa. 2) Aningaasaateqarfiup suliaqarfia saniatigullu suliaqarfigisinnaasaa. 3) Aningaasaateqarfiup najugaa kommunilu najugaqarfia. 4) Aningaasaateqarfiup pilersinneqarnera ulloq, siunertaa kingullermillu malittarisassaanut ulloq. 5) Aningaasaateqarfiup ukioq naatsorsuusiorfia aamma piffissaq naatsorsuusiorfiusoq siulleq. 6) Aningaasaatit tunngaviusut annertussusaat, taakkulu aningaasanngorlugit imaluunniit nalilinnik allanik akilerneqarsimanersut. 7) Siulersuisuni ilaasortat, pisortat, kukkunersiuisut aamma siulersuisunut ilaasortanut, pisortanut kukkunersiuisunullu sinniisuusinnaasut aqqi tamarmiusut, aningaasaateqarfimmi sulerineri, CPR-normui, taamaattorli tak. imm. 3, imaluunniit CVR-normui aamma najugaat. Imm. 2. Nalunaarsuinermut ilaassapput: 1) Aningaasaateqarfiup pilersinneqarneranut inatsisitigut tunngavigisat (kingornussassiaq, tunissutit allagartaat allaluunniit). 2) Malittarisassat pilersitsinerlu pissutigalugu allagaatit allat pilersinneqartut. 3) Aningaasaatit tunngaviusutut aalajangersarneqarsimasut aningaasaateqarfimmut akilerneqarsimanerinut uppernarsaat. 4) Aningaasaateqarfiup inuussutissarsiutigineqarneranut uppernarsaat. 5) Aningaasaateqarfik pisortanit tapisisutisisarnersoq pillugu paasissutissat, aamma aningaasaateqarfik pisortanit